14 лістапада 2008 года ў Нацыянальнай бібліятэцы Беларусі адбылося пасяджэнне круглага стала “Інавацыйная дзейнасць абласных бібліятэк: навукова-метадычны аспект”. У мерапрыемстве прынялі ўдзел прадстаўнікі Міністэрства культуры, упраўленняў культуры абласных выканаўчых камітэтаў, кіраўнікі абласных бібліятэк і Нацыянальнай бібліятэкі Беларусі.
У ходзе работы круглага стала абмяркоўваліся пытанні сучаснага стану сеткі публічных бібліятэк Рэспублікі Беларусь, удасканалення нарматыўна-прававой базы, фарміравання і выкарыстання інфармацыйных рэсурсаў. Удзельнікі закранулі праблемы камплектавання фондаў сацыяльна значымай літаратурай і метадычнымі выданнямі. Вялікая ўвага ў ходзе абмеркавання была нададзена развіццю інтэрнет-тэхналогій у бібліятэках, крытэрыям вызначэння якасці сайтаў, функцыянаванню віртуальнага цэнтра прававой інфармацыі і віртуальнай чытальнай залы.
Кіраўнікі закранулі пытанні ажыццяўлення дзяржаўнай статыстычнай справаздачнасці.
Спецыялісты абласных бібліятэк падзяліліся вопытам ажыццяўлення навукова-метадычнай дзейнасці.