ГалоўнаяНавіныНавіны Нацыянальнай бібліятэкі Беларусі
Лепшыя кнігі Беларусі – 2006
Сучасная бібліятэчная справа: тэорыя і практыка

III Міжнародныя кнігазнаўчыя чытанні

Іншыя навіны

16–17 верасня ў Нацыянальнай бібліятэцы Беларусі адбудуцца III Міжнародныя кнігазнаўчыя чытанні "Кніга Беларусі: повязь часоў".


Ужо стала добрай традыцыяй у дзень нараджэння Нацыянальнай бібліятэкі Беларусі ў сярэдзіне верасня праводзіць Кнігазнаўчыя чытанні, на якіх разглядаюцца тэарэтычныя праблемы кнігазнаўства, пытанні гісторыі кнігі, друкарняў і кнігазбораў, паведамляецца аб асобных калекцыях, унікальных рукапісах і старадруках.

III Кнігазнаўчыя чытанні будуць прысвечаны кніжнай культуры Беларусі. Тэма чытанняў "Кніга Беларусі: повязь часоў" была падтрымана двухбаковай беларуска-польскай камісіяй па сумеснай культурнай спадчыне, якая ўжо шмат гадоў плённа працуе пры Дэпартаменцк па ахове гісторыка-культурнай спадчыны і рэстаўрацыі.

Арганізатары чытанняў – Міністэрства культуры Рэспублікі Беларусь, Дэпартамент па ахове гісторыка-культурнай спадчыны і рэстаўрацыі Рэспублікі Беларусь, Беларуска-польская кансультацыйная камісія па справах гісторыка-культурнай спадчыны, Нацыянальная бібліятэка Беларусі.

У рамках III Кнігазнаўчых чытанняў, акрамя пленарнага пасяджэння, плануецца работа наступных секцый:

1-я секцыя. Гісторыя беларускага кнігадрукавання. Мастацтва кнігі;
2-я секцыя. Беларускія гістарычныя кнігазборы ў часе і прасторы;
3-я секцыя. Старая кніга і новыя тэхналогіі: праблемы суіснавання. Тэорыя і практыка работы аддзелаў рэдкіх кніг. Кніга ў музейнай экспазіцыі.

У чытаннях прымаюць удзел бібліятэкары, архівісты, музейныя работнікі, навукоўцы, выкладчыкі ВНУ. На ўдзел у міжнародных чытаннях паступіла 56 заявак з Беларусі, ЗША, Польшчы, Расіі. Сярод удзельнікаў – супрацоўнікі Расійскай нацыянальнай бібліятэкі, навукоўцы з Варшавы, Любліна, Ольштына, Кракава, Катавіцэ, спецыялісты з Нацыянальнай бібліятэкі Беларусі, Цэнтральнай навуковай бібліятэкі НАН Беларусі, з бібліятэк і музеяў Полацка, Гродна, Гомеля і інш. На чытаннях будуць абмяркоўвацца пытанні гісторыі беларускай кнігі, лёсы гістарычных кнігазбораў, што існавалі на тэрыторыі Беларусі. Спецыялісты абмяняюцца думкамі і вопытам па прымяненню новых інфармацыйных тэхналогій у рабоце з помнікамі кніжнай культуры.

Матэрыялы III Міжнародных кнігазнаўчых чытанняў плануецца выдаць асобным зборнікам.

Да Кнігазнаўчых чытанняў прымеркавана кніжная выстаўка "Кніга Беларусі: повязь часоў".

Навіны

Вэбінар па тэхналагічных пытаннях каталагізацыі ў РЗЭК

17 Чэр 2021

16 чэрвеня ў Нацыянальнай бібліятэцы прайшоў вэбінар, прысвечаны тэхналагічным пытанням каталагізацыі ў рэгіянальных зводных электронных каталогах (РЗЭК) бібліятэк Беларусі.

Навіны Нацыянальнай бібліятэкі Беларусі

Бібліятэкам Гродзеншчыны: электронныя інфармацыйныя рэсурсы віртуальнай чытальнай залы

17 Чэр 2021

17 чэрвеня ў бібліятэцы прайшоў анлайн-семінар, арганізаваны для супрацоўнікаў публічных бібліятэк Гродзенскай вобласці. Нашым калегам быў прадстаўлены рад ліцэнзійных электронных рэсурсаў, прапанаваных для інфармацыйна-бібліятэчнага абслугоўвання розных катэгорый карыстальнікаў.

Навіны Нацыянальнай бібліятэкі Беларусі

Незабыўнае: адкрылася выстава, прымеркаваная да 80-й гадавіны пачатку Вялікай Айчыннай вайны

17 Чэр 2021

17 чэрвеня ў Нацыянальнай бібліятэцы Беларусі адбылося ўрачыстае адкрыццё выставы “Незабыўнае: спектаклі і фільмы пра вайну”, прысвечанай 80-годдзю пачатку Вялікай Айчыннай вайны.

Мастацкія выстаўкі

Выязная экскурсія да Дня ўсенароднай памяці ахвяр Вялікай  Айчыннай вайны

17 Чэр 2021

Напярэдадні трагічнай даты пачатку Вялікай Айчыннай вайны  супрацоўнікі аддзела экскурсійна-метадычнай работы правялі для выхаванцаў аздараўленчага лагера “Брыганціна” шэраг выязных віртуальных экскурсій з цыкла “Славутыя імёны Бацькаўшчыны” па тэме “Помнім боль і страты  твае, Беларусь…”.

Навіны Нацыянальнай бібліятэкі Беларусі

Новы нарматыўны дакумент для бібліятэк Беларусі

17 Чэр 2021

“Палажэнне аб краязнаўчай дзейнасці бібліятэк Рэспублікі Беларусь” прынята на VІ Форуме бібліятэкараў Беларусі (27‒28 мая 2021 г.). Дакумент падрыхтаваны супрацоўнікамі навукова-даследчага аддзела бібліяграфіі Нацыянальнай бібліятэкі Беларусі, шырока абмеркаваны з рэгіянальнымі бібліятэкамі краіны і адобраны Саветам бібліятэк Беларусі па інфармацыйным узаемадзеянні.

Навіны Нацыянальнай бібліятэкі Беларусі

Бібліятэкарам
111