З 27 па 30 красавіка 2021 года ў анлайн-фармаце адбываецца ІІІ Міжнародны бібліяграфічны кангрэс.
Агульная тэма кангрэса: “Бібліяграфічная інфармацыя ў лічбавай культуры”.
28 красавіка з дакладам “Нацыянальная бібліяграфія Беларусі: асноўныя вектары развіцця ў лічбавым асяроддзі” выступіла намеснік генеральнага дырэктара Нацыянальнай бібліятэкі Беларусі – дырэктар па інфармацыйных рэсурсах Т.В. Кузьмініч.
Арганізатары кангрэса: Расійская бібліятэчная асацыяцыя, Дзяржаўная навукова-тэхнічная бібліятэка Сібірскага аддзялення Расійскай акадэміі навук (г. Навасібірск), Расійская нацыянальная бібліятэка, Расійская дзяржаўная бібліятэка, Дзяржаўная навукова-тэхнічная бібліятэка (г. Масква).
Матэрыял пададзены навукова-даследчым аддзелам бібліяграфіі.