ГалоўнаяНавіныНавіны Нацыянальнай бібліятэкі Беларусі
У Нацыянальнай бібліятэцы Беларусі новы прафсаюзны лідар
Творчыя заняткі “Смайлік”

II Міжнародныя Паскевіцкія чытанні ў Гомелі

II Міжнародныя Паскевіцкія чытанні ў Гомелі
Іншыя навіны

23–24 верасня ў Гомельскай абласной універсальнай бібліятэцы адбыліся II Міжнародныя Паскевіцкія чытанні, у працы якіх актыўны ўдзел ўзялі супрацоўнікі Нацыянальнай бібліятэкі Беларусі.

Навукова-практычная канферэнцыя была арганізавана Гомельскай абласной універсальнай бібліятэкай імя У.І. Леніна і адбылася пры падтрымцы галоўнага ўпраўлення ідэалагічнай работы, культуры і па справах моладзі Гомельскага абласнога выканаўчага камітэта.

Канферэнцыя была арганізавана ў форме пленарнага і секцыйных пасяджэнняў. Прадстаўленыя даклады былі прысвечаны жыццю і дзейнасці князёў Паскевічаў – апошніх уладальнікаў гомельскага маёнтка: Івана Фёдаравіча, яго сына Фёдара Іванавіча і нявесткі Ірыны Іванаўны, гістарычным падзеям і асобам эпохі Паскевічаў, спадчыне княжацкай сям’і і іх укладу ў сацыяльна-эканамічнае і культурнае развіццё Гомеля, кніжнай культуры як важнай частцы гісторыка-культурнай спадчыны, дзейнасці ўстаноў культуры па вывучэнні і папулярызацыі кніжнай спадчыны. Па выніках працы канферэнцыі падрыхтаваны і выдадзены зборнік матэрыялаў чытанняў.

Першы даклад на пленарным пасяджэнні “Кніжная спадчына Гомельшчыны” намесніка дырэктара Рэспубліканскай навукова-тэхнічнай бібліятэкі Марыны Рафеевай быў прысвечаны ўнікальнаму прыватнаму кніжнаму збору князёў Паскевічаў. Агульная колькасць выданняў з гэтай калекцыі, якія дайшлі да нашых дзён, складае 6 253 адзінкі захоўвання. Калекцыю Паскевічаў аб’ядноўвае адзіны стыль афармлення (вокладкі выкананы па заказе ўладальнікаў часцей за ўсё ў гомельскай майстэрні Лібмана) і экслібрыс. У дакладзе быў прадстаўлены падрабязны бібліяметрычны аналіз калекцыі і названы мерапрыемствы па яе мемарыялізацыі.

Paskievickija-chytanni-Homiel-2.jpg

Частка рукапісаў з кніжнага збору князёў Паскевічаў захоўваецца ў Нацыянальнай бібліятэцы Беларусі. На пленарным пасяджэнні намеснік генеральнага дырэктара – дырэктар па навуковай рабоце і выдавецкай дзейнасці Нацыянальнай бібліятэкі Аляксандр Суша выступіў з дакладам, у якім прадставіў характарыстыку рукапісных кніг, а таксама працу па іх захаванні, вывучэнні і папулярызацыі.

Paskievickija-chytanni-Homiel-3.jpg

Секцыя “Мемарыяльная дзейнасць устаноў культуры” аб’яднала супрацоўнікаў бібліятэк і музеяў, якія вывучаюць рукапісныя і друкаваныя кніжныя помнікі, займаюцца захаваннем і папулярызацыяй кніжнай культуры. У працы секцыі актыўны ўдзел узялі прадстаўнікі Нацыянальнай бібліятэкі Беларусі.

Paskievickija-chytanni-Homiel-4.jpg

Галіна Кірэева, галоўны бібліёграф навукова-даследчага аддзела кнігазнаўства, у дакладзе “Рукапісныя кнігі старавераў у фондзе Нацыянальнай бібліятэкі Беларусі” дала агульную характарыстыку калекцыі стараверскіх рукапісных кніг, якая фарміравалася з дня заснавання бібліятэкі і сёння налічвае звыш 240 адзінак захоўвання.

Paskievickija-chytanni-Homiel-5.JPG

Таццяна Захарава, загадчыца сектара музейнай дзейнасці навукова-даследчага аддзела кнігазнаўства, выступіла з дакладам “Кнігі з правененцыямі – знакавыя экспанаты юбілейных выстаў”, у якім на прыкладзе юбілейных выстаў музея кнігі разгледзела экспазіцыйныя прыёмы дэманстрацыі кніжных помнікаў з экслібрысамі і аўтографамі.

Paskievickija-chytanni-Homiel-6.JPG

Таццяна Сапега, загадчыца сектара навукова-праектнай работы, прэзентавала выданне “У госці да кніг”, якое прысвечана кніжнай спадчыне і адрасавана ў тым ліку спецыялістам бібліятэк і музеяў краіны як базавая аснова для папулярызацыі гісторыі кніжнай культуры сярод дзяцей і моладзі. Кніга ўяўляе сабой займальную гісторыю кнігі для дзяцей з інтэлектуальнымі і творчымі заданнямі, з’яўляецца важным праектам, які арыентуе на папулярызацыю каштоўнасцей сямейнага чытання і чытання на базе бібліятэк. Дакладчыца падзялілася таксама методыкай выкарыстання матэрыялаў кнігі, напрацаванай падчас правядзення заняткаў у рамках праекта “У госці да кніг”.

Paskievickija-chytanni-Homiel-7.jpg

Наталля Каралева, вядучы мастак сектара падрыхтоўкі друку выдавецкага аддзела, мастак-дызайнер выдання “У госці да кніг”, адзначыла важнасць адзінства пазнавальнага і эстэтычнага пры афармленні дзіцячай кнігі. Ілюстрацыі і афармленне каменціруюць і дапаўняюць тэкст кнігі, стымулююць эмацыянальнае і творчае развіццё дзіцяці. Кніга адрозніваецца сваёй мастацкай вобразнасцю і выразнасцю.

Paskievickija-chytanni-Homiel-8.jpg

Да II Міжнародных Паскевіцкіх чытанняў у Гомельскай абласной універсальнай бібліятэцы былі арганізаваны тэматычныя выставы. Выстава “Мастацкая спадчына сям’і Паскевічаў”, арганізаваная сумесна з Гомельскім палацава-паркавым ансамблем, дэманструе фатаграфіі твораў мастацтва з калекцыі Паскевічаў, якія захоўваюцца ў Эрмітажы.

У Музеі рэдкай кнігі ўдзельнікі канферэнцыі азнаёміліся з пастаяннай экспазіцыяй, а таксама з выставай “Часоў перапляценне” – экспазіцыяй кніг з правененцыямі з бібліятэкі Паскевічаў, а таксама выданняў з фонду бібліятэкі, якія тычацца жыцця і дзейнасці Івана Фёдаравіча, Фёдара Іванавіча і Ірыны Іванаўны Паскевічаў.

Paskievickija-chytanni-Homiel-9.JPG

У рамках праграмы канферэнцыі ўдзельнікі наведалі вядучыя ўстановы культуры горада і азнаёміліся з актуальнай навуковай, экспазіцыйнай і асветніцкай дзейнасцю Гомельскага палацава-паркавага ансамбля, філіяла Веткаўскага музея стараабрадніцтва і беларускіх традыцый імя Ф.Р. Шклярава, Музея гісторыі горада Гомеля.

Paskievickija-chytanni-Homiel-10.jpg

Нацыянальная бібліятэка Беларусі выказвае вялікую падзяку арганізатарам II Міжнародных Паскевіцкіх чытанняў за насычаную і плённую праграму, яе высокі прафесійны ўзровень і актуальнасць прапанаваных тэм. Канферэнцыя стала пляцоўкай для актыўнага навуковага і прафесійнага дыялогу ў фармаце жывых зносін. Зборнік матэрыялаў чытанняў уяўляе несумненную цікавасць для спецыялістаў бібліятэк, музеяў і архіваў, кнігазнаўцаў, гісторыкаў, культуролагаў і краязнаўцаў.

Матэрыял падрыхтаваны навукова-даследчым аддзелам кнігазнаўства.

Навіны

Завяршыўся VIII Міжнародны кангрэс “Бібліятэка як феномен культуры”

22 Кас 2021

На працягу двух дзён у Нацыянальнай бібліятэцы Беларусі праходзілі пасяджэнні, круглыя сталы, майстар-класы VIII Міжнароднага кангрэса “Бібліятэка як феномен культуры”. Удзельнікі абмяркоўвалі надзённыя праблемы бібліятэчнай сферы, звязаныя з вызначэннем місіі бібліятэк, іх ролі і месцы ў сучасным грамадстве ва ўмовах пандэміі.

Навіны Нацыянальнай бібліятэкі Беларусі

Выдадзена “Інструкцыя па ўліку i захаванасці фондаў Нацыянальнай бібліятэкі Беларусі”

22 Кас 2021

Выйшла з друку “Інструкцыя па ўліку i захаванасці фондаў Нацыянальнай бібліятэкі Беларусі”, якая ўстанаўлівае адзіныя правілы ўліку i захаванасці дакументаў, што складаюць фонды і калекцыі бібліятэкі.

Навіны Нацыянальнай бібліятэкі Беларусі

Канферэнцыя ў Маскве “Кніжныя помнікі ў аспекце захаванасці” (+відэа)

22 Кас 2021

19–21 кастрычніка ва Усерасійскай дзяржаўнай бібліятэцы замежнай літаратуры імя М.І. Рудаміно прайшла 5-я штогадовая Міждысцыплінарная навукова-практычная канферэнцыя “Кніжныя помнікі ў аспекце захаванасці”.

Навіны Нацыянальнай бібліятэкі Беларусі

Бібліятэка як феномен культуры: завяршыўся першы дзень працы VIII Міжнароднага кангрэса

21 Кас 2021

У Нацыянальнай бібліятэцы Беларусі абмеркавалі актуальныя пытанні бібліятэчнай сферы ў кантэксце новых выклікаў часу і новых магчымасцей і рашэнняў.

Навіны Нацыянальнай бібліятэкі Беларусі

Пасяджэнне Савета бібліятэк Беларусі па інфармацыйным узаемадзеянні

21 Кас 2021

21 кастрычніка ў рамках VIII Міжнароднага кангрэса “Бібліятэка як феномен культуры” адбылося пасяджэнне Савета бібліятэк Беларусі па інфармацыйным узаемадзеянні.

Навіны Нацыянальнай бібліятэкі Беларусі

22 Кас 2021

У сённяшнім успрыманні творчай спадчыны Язэпа Драздовіча (1888–1954) на першым плане стаіць выяўленчае мастацтва, узоры якога прадстаўлены ў беларускіх музеях, сабраны пад вокладкамі альбомаў. Літаратурная практыка ў значна меншай ступені рэпрэзентавана і асэнсавана, хоць менавіта яна можа паслужыць ключом да расшыфроўкі кодаў незвычайных, касмічных тэм і сюжэтаў аўтара «Нябесных бегаў» (1931).

Навіны бібліятэк

Бібліятэка – як феномен культуры: адкрыўся штогадовы міжнародны кангрэс

21 Кас 2021

21 кастрычніка ў Нацыянальнай бібліятэцы Беларусі пачаў працу VIII Міжнародны кангрэс “Бібліятэка як феномен культуры”. Тэма гэтага года: “Бібліятэкі ва ўмовах пандэміі: новыя магчымасці, новыя рашэнні”.

Навіны Нацыянальнай бібліятэкі Беларусі

Апублікавана праграма кангрэса “Бібліятэка як феномен культуры”

20 Кас 2021

Апублікавана праграма VІІІ Міжнароднага кангрэса “Бібліятэка як феномен культуры”, які пройдзе 21–22 кастрычніка 2021 года на базе Нацыянальнай бібліятэкі Беларусі.

Навіны Нацыянальнай бібліятэкі Беларусі

Бібліятэкарам