27–28 верасня ў г. Баку (Азербайджан) адбылася II Міжнародная кніжная выстаўка-кірмаш, на якой Рэспубліку Беларусь прадстаўляла экспазіцыя Нацыянальнай бібліятэкі Беларусі.
У рабоце выстаўкі прынялі ўдзел кнігавыдаўцы Азербайджана, а таксама 35 арганізацый з замежных краін.
Экспазіцыя Рэспублікі Беларусь была прадстаўлена дырэктарам Нацыянальнай бібліятэкі Беларусі Р.С. Матульскім і ўключала друкаваную прадукцыю вядучых выданняў краіны грамадска-палітычнай і сацыяльна-эканамічнай тэматыкі, а таксама выданні па гісторыі і культуры Беларусі. Асаблівая ўвага на стэндзе была нададзена электронным выданням Нацыянальнай бібліятэкі Беларусі. Падчас адкрыцця нащ стэнд наведалі ганаровыя госці выстаўкі – намеснік прэм’ер-міністра Рэспублікі Азербайджан Эльчын Эфендзіеўі міністр культуры і турызму Рэспублікі Азербайджан Абульфас Караев.
Усё выданні, прадстаўленыя на стэндзе Нацыянальнай бібліятэкі Беларусі, – больш за 100 лепшых кніг выдавецтваў Рэспублікі Беларусь – былі перададзены ў дар Азербайджанскай нацыянальнай бібліятэцы імя М.Ф. Ахундава ў рамках праекта “Беларусь сёння”.
Па ўмовах гэтага праекта штогод адбываецца перадача ў дар некалькім найбуйнейшым бібліятэкам свету каля ста айчынных выданняў, якія найбольш поўна адлюстроўваюць сацыяльна-эканамічнае і палітычнае жыццё краіны, яе шматвяковую гісторыю і культуру. Падборка ўключае камплект выданняў-лаўрэатаў нацыянальнага конкурсу “Мастацтва кнігі” і іншых прэстыжных прэмій. У збор уваходзяць лепшыя літаратурна-мастацкія, навуковыя, навукова-папулярныя выданні, энцыклапедыі, даведнікі і фотаальбомы.
Перадача кніг Азербайджанскай нацыянальнай бібліятэцы імя М.Ф. Ахундава – гэта ўжо пятая акцыя ў рамках праекта “Беларусь сёння”. Раней калекцыі беларускіх кніг ужо атрымалі Бібліятэка Кангрэса ЗША, Расійская дзяржаўная бібліятэка, Нацыянальная бібліятэка Украіны імя У.І. Вярнадскага і Нацыянальная бібліятэка Літвы імя М. Мажвідаса.
 |
 |
 |
 |
 |
 |
 |
 |
 |
Чытайце таксама:
