ГалоўнаяНавіныНавіны Нацыянальнай бібліятэкі Беларусі
Серыя вебінараў “Электронныя інфармацыйныя рэсурсы выдавецтваў для абслугоўвання карыстальнікаў публічных бібліятэк”
24 чэрвеня – 120 гадоў з дня нараджэння класіка беларускай літаратуры Кузьмы Чорнага

II фестываль кнігі “Кніжныя сустрэчы ў Мірскім замку”

II фестываль кнігі “Кніжныя сустрэчы ў Мірскім замку”
Іншыя навіны

20 чэрвеня адбыўся фестываль "Кніжныя сустрэчы ў Мірскім замку". У залах музея былі прадстаўлены разнастайныя экспазіцыі – усе іх тэматычна аб'ядноўвала "яе вялікасць Кніга".

Выстава "Рэтраспектыва беларускага экслібрыса" здзівіла зборам рэдкіх экслібрысаў, ад кніжных знакаў А. Тычыны, практычна стогадовай даўніны, да сучасных работ У. Правідохіна, М. Капілавай, М. Мароз і многіх іншых выдатных графікаў.

Факсімільнае выданне "Кніжная спадчына Францыска Скарыны" Нацыянальнай бібліятэкі Беларусі стала цэнтральным і вельмі сімвалічным экспанатам выставы "500 гадоў. Мастацтва, кніга, мастацтва кнігі". Вельмі арыгінальным і нязвыклым для ўспрымання беларускага чытача і гледача апынуўся ярка выражаны нацыянальны каларыт работ эстонскага кніжнага графіка і дызайнера Війве Ноар, прадстаўленага ў экспазіцыі “Дзіцячая кніжная ілюстрацыя Эстоніі”. Зацікавіла ўдзельнікаў фестывалю мастацкая выстава Юрыя Крупянкова "Памяці мястэчка".

knsustr2.jpg

Выніковым мерапрыемствам фестывалю стаў круглы стол, які аб'яднаў дзве тэмы: “«Замкавы комплекс Мір» – аб'ект Сусветнай спадчыны ЮНЕСКА: да 20-годдзя ўключэння Мірскага замка ў спіс Сусветнай спадчыны ЮНЕСКА” і "Кнігі – сведкі гісторыі".

Намеснік генеральнага дырэктара Нацыянальнай бібліятэкі Беларусі – дырэктар па навуковай рабоце і выдавецкай дзейнасці А. А. Суша назваў ідэю фестывалю яркай і актуальнай. Аляксандр Аляксандравіч падкрэсліў гістарычнае значэнне кніжнай культуры для Беларусі, прывёўшы як прыклад наяўнасць – з часоў ВКЛ – дзясяткаў друкарняў і кніжных цэнтраў не толькі ў вялікіх гарадах, але і ў беларускіх мястэчках і кляштарах.

У рамках круглага стала Нацыянальная бібліятэка прадставіла ў адкрытым праглядзе краязнаўчыя выданні на тэму “Год малой Радзімы. 2018–2020”. Увазе ўдзельнікаў фестывалю было прапанавана каля 200 знакавых выданняў, прысвечаных гісторыі, культуры, прыродным прыгажосцям Беларусі ў цэлым, а таксама ўсім абласцям Беларусі. Асобным блокам экспанавалася літаратура аб Мірскім замку, горадзе Мір і Гродзенскай вобласці.

knsustr1.JPG

У мерапрыемстве ўзялі ўдзел намеснік міністра інфармацыі Ігар Бузоўскі, дырэктар замкавага комплексу “Мір” Аляксандр Лойка, аўтар ідэі фестывалю кнігі Аляксандр Карлюкевіч, гісторыкі, краязнаўцы, кнігазнаўцы, музеолагі і мастацтвазнаўцы.

Мерапрыемствы фестывалю праходзілі ў рэжыме анлайн. Запіс пасяджэння круглага стала можна прагледзець тут.

Матэрыял пададзены аддзелам галерэйна-выставачнай дзейнасці.

Навіны

Вэбінар па тэхналагічных пытаннях каталагізацыі ў РЗЭК

17 Чэр 2021

16 чэрвеня ў Нацыянальнай бібліятэцы прайшоў вэбінар, прысвечаны тэхналагічным пытанням каталагізацыі ў рэгіянальных зводных электронных каталогах (РЗЭК) бібліятэк Беларусі.

Навіны Нацыянальнай бібліятэкі Беларусі

Бібліятэкам Гродзеншчыны: электронныя інфармацыйныя рэсурсы віртуальнай чытальнай залы

17 Чэр 2021

17 чэрвеня ў бібліятэцы прайшоў анлайн-семінар, арганізаваны для супрацоўнікаў публічных бібліятэк Гродзенскай вобласці. Нашым калегам быў прадстаўлены рад ліцэнзійных электронных рэсурсаў, прапанаваных для інфармацыйна-бібліятэчнага абслугоўвання розных катэгорый карыстальнікаў.

Навіны Нацыянальнай бібліятэкі Беларусі

Незабыўнае: адкрылася выстава, прымеркаваная да 80-й гадавіны пачатку Вялікай Айчыннай вайны

17 Чэр 2021

17 чэрвеня ў Нацыянальнай бібліятэцы Беларусі адбылося ўрачыстае адкрыццё выставы “Незабыўнае: спектаклі і фільмы пра вайну”, прысвечанай 80-годдзю пачатку Вялікай Айчыннай вайны.

Мастацкія выстаўкі

Выязная экскурсія да Дня ўсенароднай памяці ахвяр Вялікай  Айчыннай вайны

17 Чэр 2021

Напярэдадні трагічнай даты пачатку Вялікай Айчыннай вайны  супрацоўнікі аддзела экскурсійна-метадычнай работы правялі для выхаванцаў аздараўленчага лагера “Брыганціна” шэраг выязных віртуальных экскурсій з цыкла “Славутыя імёны Бацькаўшчыны” па тэме “Помнім боль і страты  твае, Беларусь…”.

Навіны Нацыянальнай бібліятэкі Беларусі

Новы нарматыўны дакумент для бібліятэк Беларусі

17 Чэр 2021

“Палажэнне аб краязнаўчай дзейнасці бібліятэк Рэспублікі Беларусь” прынята на VІ Форуме бібліятэкараў Беларусі (27‒28 мая 2021 г.). Дакумент падрыхтаваны супрацоўнікамі навукова-даследчага аддзела бібліяграфіі Нацыянальнай бібліятэкі Беларусі, шырока абмеркаваны з рэгіянальнымі бібліятэкамі краіны і адобраны Саветам бібліятэк Беларусі па інфармацыйным узаемадзеянні.

Навіны Нацыянальнай бібліятэкі Беларусі

Бібліятэкарам
111