Нацыянальная бібліятэка Беларусі падрыхтавала віртуальны праект “II Еўрапейскія гульні: 15 яркіх акцэнтаў”, які знаёміць чытачоў з гісторыяй развіцця сусветнага і беларускага спорту, выбітнымі трэнерамі і спартсменамі, якія праславілі Рэспубліку Беларусь.
15 яркіх акцэнтаў – гэта 15 відаў спорту, уключаных у праграму II Еўрапейскіх гульняў, якія пройдуць у Мінску з 21 па 30 чэрвеня 2019 года.
Маючыя адбыцца спаборніцтвы – гэта свята яркіх перамог, незабыўных эмоцый для спартсменаў, мінчан і гасцей сталіцы.
Сярод матэрыялаў, прапанаваных у праекце, – цікавыя гістарычныя факты, найбольш значныя дасягненні і перамогі, фатаграфіі, артыкулы, успаміны легендарных спартсменаў і вядомых трэнераў, якія дзякуючы невычэрпнай энергіі, адданасці любімаму віду спорту і ўнутранаму агню здолелі праславіць Рэспубліку Беларусь.
Дапаўняе прадстаўленыя матэрыялы спіс самай цікавай літаратуры з фондаў Нацыянальнай бібліятэкі Беларусі па кожным з разгледжаных відаў спорту.
Кожныя тры дні мы будзем адкрываць для вас чарговы яркі акцэнт II Еўрапейскіх гульняў.
Сачыце за праектам “II Еўрапейскія гульні: 15 яркіх акцэнтаў” на партале Нацыянальнай бібліятэкі Беларусі!
Матэрыял прадстаўлены аддзелам фарміравання электроннай бібліятэкі.