ГалоўнаяНавіныНавіны Нацыянальнай бібліятэкі Беларусі
Сустрэча з фіналістамі конкурсу “Студэнт года”
Дамалюй працяг: выйшла другая частка дзіцячага комікса “Не для чужых вачэй”

II Абласная школа дырэктараў

II Абласная школа дырэктараў
Іншыя навіны

4-5 снежня ў Кобрыне на базе Кобрынскай цэнтралізаванай бібліятэчнай сістэмы працавала II Абласная школа дырэктараў бібліятэчных сістэм Брэсцкай вобласці.

Ініцыятарамі правядзення выступілі ўпраўленне культуры Брэсцкага аблвыканкама і Брэсцкая абласная бібліятэка ім. М. Горкага.

З прывітальным словам да ўдзельнікаў звярнуліся начальнік аддзела культуры Кобрынскага райвыканкама Надзея Жук і дырэктар Брэсцкай абласной бібліятэкі ім. М. Горкага Алена Стрыжэвіч.

У першы дзень працы школы прайшла сесія “Рэдкія кнігі ў фондах публічных бібліятэк Брэсцкай вобласці: фарміраванне, папулярызацыя і выкарыстанне”, на якой прагучалі даклады захавальнікаў і даследчыкаў помнікаў кніжнай культуры. Да ўдзелу ў працы гэтай сесіі быў запрошаны намеснік дырэктара па навуковай працы і выдавецкай дзейнасці Нацыянальнай бібліятэкі Беларусі Алесь Суша, які выступіў з дакладам “Арганізацыя і тэхналогія сістэмнай работы з кніжнымі помнікамі”. У сваім выступленні ён пазначыў крытэрыі адбору і ідэнтыфікацыі рэдкіх кніг, пазнаёміў слухачоў з Дзяржаўным рэестрам кніжных помнікаў Беларусі. А. Суша на прыкладзе дзейнасці НББ прадэманстраваў, як актыўная праца і папулярызацыя рэдкіх выданняў пазіцыяніруюць бібліятэку ў грамадстве.

У другі дзень працавала сесія “Інфармацыйныя рэсурсы бібліятэк Брэсцкай вобласці: фарміраване і прасоўванне”, выступленні на якой былі прысвечаны электронным рэсурсам брэсцкіх бібліятэк – краязнаўчым базам дадзеных, сацыяльным сеткам бібліятэк, бібліятэчным сайтам і працы над прасоўваннем іх у інфармацыйнай прасторы. Ад Нацыянальнай бібліятэкі Беларусі ў працы гэтай сесіі прыняла ўдзел галоўны бібліёграф інфармацыйна-аналітычнага аддзела Таццяна Лаўрык, якая выступіла з дакладам “Віртуальныя праекты Нацыянальнай бібліятэкі Беларусі: ад ідэі да форм папулярызацыі” і расказала пра гэты накірунак працы ў НББ. Яна азнаёміла прысутных з арганізацыяй працы па рэалізацыі такіх праектаў, падзялілася вопытам па стварэнню і папулярызацыі віртуальнага праекта “На хвалі часу, у плыні жыцця”.

Удзельнікі Школы наведалі Залескі цэнтр культуры і вольнага часу, дзе пазнаёміліся з работай Залескай сельскай бібліятэкі. Сваю дзейнасць прадставіла і Гарадзецкая сельская бібліятэка – пераможца V Рэспубліканскага конкурса “Бібліятэка – цэнтр духоўнай асветы і выхавання”.

 Матэрыял прадастаўлены інфармацыйна-аналітычным аддзелам.

Навіны

Перасоўная выстава “Лясная песня” адкрылася ў Нацыянальнай акадэмічнай бібліятэцы Рэспублікі Казахстан

22 Чэр 2021

Прэзентацыя інфармацыйна-ілюстрацыйнага праекта “Лясная песня” ў горадзе Нур-Султан была прымеркавана да 80-годдзя пачатку Вялікай Айчыннай вайны.

Навіны Нацыянальнай бібліятэкі Беларусі

23 Чэр 2021

«Тэатр, як вядома, мае звычай зацягваць у сябе людзей, як зачараваны лес». Думаецца, праўдзівасць гэтага радка з рамана «Вялікае падарожжа Малой» пацвердзіць аўтарка Алена Папова. Ведаюць яе не толькі як драматурга, чые п'есы ідуць па ўсім свеце, перамагаюць на прэстыжных міжнародных конкурсах, але і як адметнага празаіка. «Таямнічы код прозы Алены Паповай» – гучала ў загалоўку адной з рэцэнзій.

Навіны бібліятэк

22 Чэр 2021

19 чэрвеня 1924 года нарадзіўся беларускі пісьменнік Васіль Быкаў. Большасць твораў, напісаных аўтарам, – аповесці, дзеянне якіх адбываецца ў час Вялікай Айчыннай вайны. У іх паказаны маральны выбар чалавека ў найбольш драматычныя моманты жыцця. Быкаў на свае вочы бачыў вайну, таму так ярка і эмацыянальна яму ўдавалася перадаць увесь цяжар ваенных гадоў. Прапануем вам пяць кніг народнага пісьменніка Беларусі, якія праславілі беларускую літаратуру на ўвесь свет.

Навіны бібліятэк

Сярэдневяковая мініяцюра, злыя зайцы і маргіналіі: што гэта такое і дзе пра гэта чытаць

21 Чэр 2021

Вы любіце ілюстрацыі. Хто іх не любіць? Малюнкі заўсёды засвойваюцца куды прасцей і хутчэй, чым шматстаронкавыя тэксты, а калі яны яшчэ і для вока прыемныя, задавальненне вырастае ўдвая. Так думалі і людзі ў Сярэдневякоўі, а таму шчодра дадавалі ў свае кнігі каляровыя мініяцюры. Вы пэўна бачылі некалькі такіх – шалёныя зайцы з дзідамі, ціхамірныя людзі ў дзіўных позах, рыцары змагаюцца са слімакамі... Давайце разбяромся, чаму кніжная мініяцюра такая незвычайная.

Аўтарскі погляд

21 Чэр 2021

Кнігі маладой пісьменніцы Ганны Чыж-Літаш — адны з самых запатрабаваных у чытацкай аўдыторыі. Актуальныя праблемы, якія ўзнімае аўтарка, — пошукі сэнсу жыцця, сяброўства, любові, сябе — нікога не пакідаюць абыякавым, таму што кожны так ці інакш штодзённа мусіць іх вырашаць, адказваць на спрадвечныя пытанні ўласнымі ўчынкамі. Паказаныя праз простыя сюжэты і немудрагелістыя дыялогі, апісаныя ў сітуацыях, у якія можа трапіць кожны, — гэтыя праблемы спрыяюць раскрыццю ўнутранага свету сучаснікаў, праз што яны становяцца блізкімі і зразумелымі чытачам любога ўзросту.

Навіны бібліятэк

Заснавальнік фармацэўтычных навук у Беларусі

21 Чэр 2021

21 чэрвеня спаўняецца 280 гадоў з дня нараджэння вядомага французскага вучонага-энцыклапедыста, доктара медыцыны, прафесара Жана Эмануэля Жылібера (1741‒1814), які па праве лічыцца заснавальнікам фармацэўтычных навук у Беларусі. Ён стварыў і некалькі гадоў узначальваў першую вышэйшае медыцынскую ўстанову на тэрыторыі сучаснай Беларусі – Гродзенскую медыцынскую акадэмію.

Па старонках беларускага календара

Аўтару “Флоры Літвы” – 280 гадоў

21 Чэр 2021

21 чэрвеня 1741 г., роўна 280 гадоў таму, нарадзіўся сусветна вядомы французскі вучоны, батанік, лекар і педагог Жан Эмануэль Жылібер. Навуковая дзейнасць знакамітага натураліста была цесна звязана з тэрыторыяй сучаснай Беларусі. Менавіта ён стаў заснавальнікам “Цэнтра медыцынскай адукацыі і медыка-біялагічных навук” у Гродна і аўтарам навуковай кнігі “Флора Літвы”.

Навіны Нацыянальнай бібліятэкі Беларусі

Бібліятэкарам
111