13 чэрвеня ў дзіцячым аздараўленчым лагеры “Зарніца”, размешчаным у маляўнічым месцы Уздзенскага раёна Мінскай вобласці, адбылася выязная экскурсія, прысвечаная жыццю і творчасці вядомага дзіцячага пісьменніка Янкі Маўра.
У пачатку экскурсіі дзеці змаглі здзейсніць невялікае інтэрактыўнае падарожжа па Нацыянальнай бібліятэцы Беларусі, а затым з дапамогай прэзентацыі віртуальна прайсціся шляхамі жыцця вядомага земляка. Для экскурсантаў таксама была падрыхтавана выстаўка кніг Янкі Маўра розных гадоў з фондаў бібліятэкі.
Акрамя таго, у рамках Года малой радзімы супрацоўнікі бібліятэкі прывезлі з сабой выданні, прысвечаныя Мінску і Міншчыне, і анімацыйны фільм “Аповесць мінулых гадоў”, у якім распавядаецца пра паходжанне гербаў гарадоў Беларусі.
За выкананыя творчыя заданні падчас экскурсіі хлопчыкі і дзяўчынкі атрымалі сувеніры на памяць пра бібліятэку.
Запрашаем і вас стаць удзельнікамі выязной экскурсіі “Славутыя імёны Бацькаўшчыны” па творчасці Янкі Маўра, Янкі Купалы і Якуба Коласа.
Дадатковую інфармацыю можна атрымаць па тэлефонах: (8 017) 293 28 53, 293 29 66.