5 лістапада а 16-й гадзіне ў галерэі “Лабірынт” (3-ці паверх) ладзіцца літаратурна-асветніцкі вечар “І скажа той, хто народзіцца...”, прысвечаны 80-годдзю з дня нараджэння вядомага беларускага пісьменніка В. Адамчыка.
Вячаслаў Адамчык – адзін з выдатных сучасных пісьменнікаў Беларусі. Ён належыць да пісьменніцкага пакалення так званых “шасцідзесятнікаў”. Ужо першыя публікацыі Вячаслава Адамчыка паказалі, што ў літаратуру прыйшоў сапраўдны майстар мастацкага слова. За гады літаратурнай працы з-пад яго пяра выйшлі шматлікія зборнікі прозы, тры раманы, некалькі сцэнарыяў, п’еса. Пісьменнік пераклаў кнігу балгарскіх народных казак “Незвычайны асілак”, паасобныя творы М. Прышвіна, Ю. Казакова, С. Залыгіна і інш.
Пад час мерапрыемства, арганізаванага Нацыянальнай бібліятэкай Беларусі сумесна з Дзяржаўным музеем гісторыі беларускай літаратуры, адбудзецца адкрыццё тэматычнай выстаўкі з фондаў бібліятэкі, выступяць даследчыкі творчасці Вячаслава Адамчыка, прагучаць успаміны людзей, якія блізка ведалі пісьменніка, сябравалі з ім. У прысутных будзе магчымасць паслухаць урыўкі з яго твораў.
Тэлефоны для даведак: (8 017) 293 27 34, 293 27 56.
Е-mail: pr@nlb.by