ГалоўнаяНавіныНавіны Нацыянальнай бібліятэкі Беларусі
Цырымонія ўзнагароджання пераможцаў конкурсу студэнцкіх эсэ
Візіт парламенцкай дэлегацыі Босніі і Герцагавіны

Годнасць і роўнасць – усім: 60 гадоў Усеагульнай дэкларацыі правоў чалавека

Годнасць і роўнасць – усім: 60 гадоў Усеагульнай дэкларацыі правоў чалавека
Іншыя навіны

З 10 снежня 2008 года па 3 студзеня 2009 года ў аддзеле абслугоўвання афіцыйнымі дакументамі Нацыянальнай бібліятэкі Беларусі (2 паверх, пакой 207) адкрыта тэматычная кніжная выстаўка “Годнасць і роўнасць – усім: 60 гадоў Усеагульнай дэкларацыі правоў чалавека”, прысвечаная Міжнароднаму дню правоў чалавека і 60-годдзю прыняцця Усеагульнай дэкларацыі правоў чалавека.


На выстаўцы прадстаўлены больш за 100 дакументаў. Большую частку экспазіцыі складаюць дакументы міжнародных арганізацый (ААН, ЮНЕСКА, Еўрапейскага Саюза, Савета Еўропы і інш) на рускай і англійскай мовах: кнігі, перыядычныя выданні, мімеаграфаваныя матэрыялы ААН, брашуры, буклеты.

Экспазіцыя ўключае наступныя тэматычныя раздзелы:

  • правы чалавека: гісторыя, тэорыя, сучаснасць;
  • міжнародныя механізмы абароны грамадзянскіх, палітычных, сацыяльных, эканамічных і культурных правоў чалавека. Усеагульная дэкларацыя правоў чалавека;
  • правы жанчын і дзяцей;
  • правы бежанцаў і мігрантаў;
  • правы меншасцяў і карэнных народаў;
  • ліквідацыя расавай дыскрымінацыі і апартэіду;
  • інфармацыя і адукацыя ў галіне правоў чалавека.

Выстаўка адрасуецца спецыялістам у галіне міжнароднага права, сусветнай палітыкі, міжнародных адносін і правоў чалавека, а таксама студэнтам, магістрантам, выкладчыкам, палітычным і грамадскім дзеячам і ўсім тым, хто цікавіцца станам і рэалізацыяй правоў чалавека ў сучасным свеце.

Дзень правоў чалавека быў аб’яўлены рашэннем Генеральнай Асамблеі ААН (рэзалюцыя 423(V)) у 1950 годзе і штогод адзначаецца 10 снежня. Менавіта ў гэты дзень у 1948 годзе Генеральнай Асамблеяй ААН была прынята Усеагульная дэкларацыя правоў чалавека, якая абвясціла правы асобы, грамадзянскія і палітычныя правы і свабоды.

Усеагульная дэкларацыя правоў чалавека з’яўляецца асновай міжнародных стандартаў і нормаў у галіне правоў чалавека. Яна пакладзена ў аснову больш за 80 міжнародных дагавораў, дэкларацый, канвенцый, нацыянальных законаў аб правах чалавека і канстытуцый дзяржаў.

Дэкларацыя апублікаваная больш чым на 360 мовах і з’яўляецца дакументам, перакладзеным на найбольшую колькасць моў. Гэта сведчыць пра яе універсальны характар і пра тое, што яна застаецца такой жа актуальнай, як і ў дзень яе прыняцця.

Паспяховае ажыццяўленне Усеагульнай дэкларацыі правоў чалавека выклікала ўступленне ў сілу ў 1976 годзе Міжнароднага пакта аб грамадзянскіх і палітычных правах і Міжнароднага пакта аб эканамічных, сацыяльных і культурных правах. У гэтых дакументах замацаваныя такія “паўсядзённыя” правы, як права на жыццё, роўнасць перад законам, свабоднае выяўленне меркаванняў, сацыяльнае забеспячэнне, права на працу і адукацыю. У сукупнасці з Усеагульнай дэкларацыяй правоў чалавека гэтыя пакты складаюць Міжнародны біль аб правах чалавека.

Колькасць міжнародных дакументаў па правах чалавека расце, яны працягваюць удасканальвацца. У наш час распрацаваны цэлы шэраг міжнародных інструментаў, якія напоўнілі практычным зместам тыя асноўныя правы, што былі прадугледжаныя ў Дэкларацыі, у тым ліку грамадзянскія, палітычныя, эканамічныя, сацыяльныя і культурныя. Разам з тым, нягледзячы на прызнанне правоў чалавека ў законах і абавязацельствах дзяржаў, у любой краіне свету можна знайсці прабелы ў практычнай рэалізацыі стандартаў у галіне правоў чалавека. Мэта ператварэння Дэкларацыі ў рэальнасць для ўсіх і кожнага пакуль што застаецца недасягнутай. Таму актыўна вядзецца пошук спосабаў пераадолення перашкод на шляху ажыццяўлення ўсіх стандартаў у галіне правоў чалавека.

Рэспубліка Беларусь з’яўляецца ўдзельнікам асноўных міжнародных дагавораў і канвенцый у галіне правоў чалавека. Наша краіна выступае за канструктыўнае міжнароднае супрацоўніцтва ў праваахоўнай галіне, заснаванае на прынцыпах узаемнай павагі і раўнапраўнага партнёрства.

Спасылкі на Інтэрнет-рэсурсы

Асноўныя дакументы па правах чалавека

Сістэма ААН

Карысныя спасылкі

Навіны

Сустрэча з Адамам Бабарэкам

18 Кас 2019

17 кастрычніка, у музеі гісторыі беларускай літаратуры ў рамках праекта “На хвалі часу, у плыні жыцця” адбылася лекцыя Ганны Севярынец “Крытык і сусвет. Адам Бабарэка, літаратура і літаратары”.

Навіны бібліятэк

Самота, атлусценне і сяброўства. Пра што пішуць лаўрэаты Еўрапейскай прэміі па літаратуры

20 Кас 2019

Роўна 10 гадоў таму Еўрапейскі саюз вырашыў заснаваць уласную прэмію па літаратуры з тым, каб папулярызаваць на міжнародным узроўні не надта вядомых, але таленавітых аўтараў з розных краін Еўропы. Таму намінантам можа стаць аўтар, які мае не менш за дзве, але не больш за чатыры выдадзеныя арыгінальныя кнігі.

Навіны бібліятэк

Маўчанне сфiнкса

18 Кас 2019

Дэбютны зборнiк гэтай дваццацiгадовай паэткi ўкладаў самы вядомы беларускi паэт, афармляў самы вядомы мастак, фiнансавала легендарная княгiня-мецэнатка… I быў надрукаваны ў гэтым зборнiку верш, якi стаў народнай песняй.

Навіны бібліятэк

Шляхам, што вядзе да мары

18 Кас 2019

11–12 кастрычніка прыхільнікі творчасці Эльчына Сафарлі сустрэліся з любімым аўтарам у беларускай сталіцы. У Мінск ён прыехаў прадставіць новы раман “Дом, в котором горит свет”, выдадзены ў гэтым годзе ў АСТ.

Аўтарскі погляд

111