ГалоўнаяНавіныНавіны Нацыянальнай бібліятэкі Беларусі
Візіт і дар пасла Румыніі
Нястомны руплівец літаратуразнаўства

Гісторыя моў свету

Гісторыя моў свету
Іншыя навіны

14 чэрвеня ў бібліятэцы прайшла навукова-папулярная лекцыя “Гісторыя моў свету: меркаванні і факты”.


Нацыянальная бібліятэка Беларусі ўпершыню выступіла суарганізатарам цыкла адкрытых лекцый праекта “Навука па-за сабой”. Яго ініцыятарам з’яўляецца грамадская арганізацыя “Маладзёжны адукацыйны цэнтр «Фиальта»”, які ажыццяўляе асветніцкую дзейнасць сярод маладых людзей. У рамках праекта вучоныя і выкладчыкі ВНУ Беларусі праводзяць бясплатныя лекцыі па актуальных пытаннях хіміі, фізікі, кібернетыкі і іншых навуковых кірункаў.

Ідэя была прапанавана прадстаўнікамі кампаніі OZ.BY, якая выступіла партнёрам у арганізацыі гэтага мерапрыемства. Лекцыю “Гісторыя моў свету: здагадкі і факты” чытала кандыдат філалагічны навук, дацэнт, дактарант кафедры маўленнязнаўства і тэорыі камунікацыі Мінскага дзяржаўнага лінгвістычнага ўніверсітэта Таццяна Віктараўна Бабко. Яна распавяла прысутным пра моўны ландшафт сучаснага свету, моўныя сем’і і пра тое, як развіваліся мовы-продкі, мовы-нашчадкі і мовы-сіроты. Актыўную дыскусію ў аўдыторыі выклікала пытанне магчымасці існавання прасусветнай мовы.

На тэматычнай выстаўцы да ўвагі наведвальнікаў былі прадстаўлены навуковыя, навукова-папулярныя і даведачныя выданні па гісторыі моў свету з фонду Нацыянальнай бібліятэкі Беларусі. З’яўляючыся найбуйнейшым сховішчам навуковых ведаў, бібліятэка мае мэтай павышаць цікавасць шырокай аўдыторыі да навукі і ў будучым праводзіць сумесныя адкрытыя лекцыі з адукацыйным цэнтрам “Фиальта”. Такая асветніцкая практыка дазволіць навуковым ведам выйсці са сцен лабараторый і ўніверсітэтаў у шырокія масы. І тады будзе не толькі “Навука па-за сабой”, але і кожны будзе па-за сабой ад навукі!

Навіны

Знаёмыя і малавядомыя старонкі творчасці Агінскага

15 Ліс 2019

Дзяржаўны дзеяч, палітык, дыпламат і кампазітар. Міхал Клеафас Агінскі – імя, якое ведае кожны, а яго паланэз “Развітанне з Радзімай” з’яўляецца найбольш вядомым музычным творам. Аднак не многія ведаюць, што кампазітарам было напісана больш за 70 твораў, сярод якіх оперы, вальсы і мазуркі.

Навіны Нацыянальнай бібліятэкі Беларусі

Нацыянальная бібліятэка Беларусі на адной з галоўных у свеце дыскусійных пляцовак

15 Ліс 2019

Дырэктар Нацыянальнай бібліятэкі Беларусі Раман Матульскі прыняў удзел у рабоце VIII Санкт-Пецярбургскага міжнароднага культурнага форуму, які праходзіць з 14 па 16 лістапада 2019 г. i прысвечаны тэме культурных кодаў ва ўмовах глабалізацыі. Штогод Форум прыцягвае тысячы экспертаў і гасцей з усяго свету.

Навіны Нацыянальнай бібліятэкі Беларусі

Супрацоўнікі бібліятэкі сустрэліся з кіраўніком адміністрацыі Першамайскага раёна

14 Ліс 2019

14 лістапада ў Нацыянальнай бібліятэцы Беларусі прайшла сустрэча працоўнага калектыву з кіраўніком адміністрацыі Першамайскага раёна Ігарам Кудрэвічам.

Навіны Нацыянальнай бібліятэкі Беларусі

XVIII Міжнародная канферэнцыя “Развіццё інфарматызацыі і дзяржаўнай сістэмы навукова-тэхнічнай інфармацыі”

14 Ліс 2019

У Аб’яднаным інстытуце праблем інфарматыкі НАН Беларусі 21 лістапада 2019 года пройдзе XVIII Міжнародная канферэнцыя “Развіццё інфарматызацыі і дзяржаўнай сістэмы навукова-тэхнічнай інфармацыі (РІНТІ–2019)”.

Навіны бібліятэк

Валерый Славук прапануе чытаць Макса Фрая

14 Ліс 2019

У лістападзе прыхільнікаў графікі і ў прыватнасці творчасці Валерыя Славука парадавала з’яўленне новай серыі кніг – “Палац мастацтва” (і гэта невыпадкова, бо ўсе мастакі, творчасць якіх будзе адлюстравана на яе старонках, неаднаразова выстаўляліся ў галоўным храме мастацтва Беларусі).

Аўтарскі погляд

111