21 чэрвеня ў бібліятэцы адбудзецца адкрыццё выставачнага праекта “Гісторыя ў часе” гімназіі-каледжа мастацтваў імя І.В. Ахрэмчыка.
Гімназія-каледж мастацтваў імя І.В. Ахрэмчыка лічыцца прызнанай “кузняй кадраў” беларускага мастацтва. З 1962 года штогод установа выпускае два класы – музыкантаў і мастакоў. У 2017 годзе гімназіі-каледжу мастацтваў спаўняецца 55 гадоў. Да гэтай юбілейнай даты яго выпускнікі праводзяць серыю мерапрыемстваў пад агульнай назвай “Парнат. Макаёнка, 14”. У беларускай прафесійнай культурнай супольнасці нефармальны тэрмін “Парнат” – своеасаблівае слэнгавае абазначэнне гімназіі-каледжа мастацтваў.
Выстаўка “Гісторыя ў часе” з’яўляецца спецыяльным праектам у юбілейнай серыі мерапрыемстваў “Парнат. Макаёнка, 14”. Гэта даніна павагі мастакам, выпускнікам гімназіі-каледжа, якія завяршылі свой зямны шлях, але пакінулі творы, што захавалі складаны свет пачуццяў, думак і эмоцый.
У экспазіцыі будуць прадстаўлены работы беларускіх мастакоў Канстанціна Шаранговіча (1956–2014), Аляксандра Льдокава (1958–1989), Валерыя Дашкевіча (1970–2015), Зміцера Хмызнікава (1970–1995), Аляксандра Цімошчанкі (1971–2003).
Прэзентацыя праекта пачнецца а 16-й гадзіне ў галерэі "Лабірынт" (3-ці паверх).
Выстаўка будзе доўжыцца да 22 ліпеня 2016 года.
Тэлефоны для даведак: (8 017) 293 27 56, 293 28 33.
Е-mail: pr@nlb.by