18 мая мінскі музей навукі “Элемента” далучыўся да міжнароднай акцыі “Ноч музеяў” і парадаваў гасцей Нацыянальнай бібліятэкі Беларусі цікавай праграмай.
У цэнтральным холе “алмаза ведаў” адбывалася нешта неверагоднае: жадаючыя маглі ўвайсці ў клетку Фарадэя і апынуцца ў асяроддзі гіганцкіх маланак трансфарматара Тэсла, а таксама памузіцыраваць на арфе з дапамогай... лазара.
Не абыйшлося і без простых, але асабліва ўпадабаных публіцы эксперыментаў з вадкім азотам.
Акрамя таго, у гэты вечар можна было пазнаёміцца бліжэй са шпуляй Тэсла, “лесвіцай Іакава”, генератарам, гальванічным элементам і іншымі дзіўнымі рэчамі са свету навукі.
Наведвальнікі з задавальненнем удзельнічалі ў хімічных вопытах і навуковых эксперыментах, па-новаму гледзячы на тое, што раней здавалася сумным і складаным. Бо цуды нараджаліся прама на вачах!
Калі па нейкіх прычынах вы не змаглі прыйсці ў бібліятэку ў гэты вечар – не хвалюйцеся. Музей навукі “Элемента” працягвае здзіўляць і радаваць сваіх гасцей у звычайным рэжыме.
Тэлефон для даведак: (8 029) 645 40 40.
Е-mail: elementokot@gmail.com
Матэрыял прадастаўлены аддзелам сувязей з грамадскасцю.
