ГалоўнаяНавіныНавіны Нацыянальнай бібліятэкі Беларусі
Круглы стол, прысвечаны камплектаванню бібліятэчных фондаў
Пейзаж за акном

Галоўнай бібліятэцы Віцебшчыны 90 гадоў!

Галоўнай бібліятэцы Віцебшчыны 90 гадоў!
Іншыя навіны

24–25 кастрычніка прайшоў шэраг мерапрыемстваў, прымеркаваных да юбілею Віцебскай абласной бібліятэкі імя У.І. Леніна.

У першы дзень у галоўным кнігасховішча Віцебскай вобласці адбылася міжнародная навукова-практычная канферэнцыя “Гісторыя бібліятэкі ў гісторыі малой радзімы”.

1-Vitebsk-90.jpgНа пасяджэнні дырэктар Нацыянальнай бібліятэкі Беларусі Раман Матульскі агучыў даклад на тэму “Нацыянальная і абласная: патэнцыйныя магчымасці па захаванні і папулярызацыі гісторыка-культурнай спадчыны рэгіёна”, у якім падкрэсліў, што супрацоўніцтва паміж нацыянальнай і рэгіянальнымі бібліятэкамі мае вялікія перспектывы.

Напрыканцы канферэнцыі ўдзельнікаў запрасілі на адкрыццё аддзела краязнаўчай літаратуры пасля пераезду і рэканструкцыі.

Скончыўся першы дзень святочным вечарам у Віцебскім абласным Палацы дзяцей і моладзі.

25 кастрычніка прайшоў праблемна-арыентаваны круглы стол “Бібліятэкі ў інфармацыйным грамадстве: актуальныя пытанні дзейнасці”.

На пасяджэнні старшынствавалі і выступалі з дакладамі супрацоўнікі Нацыянальнай бібліятэкі.

Загадчыца навукова-даследчага аддзела бібліятэказнаўства Марына Пшыбытка падрыхтавала даклад “Беларусь бібліятэчная: нам ёсць чым ганарыцца!”, у якім прадставіла новы анлайн-рэсурс “Беларусь бібліятэчная”.

Людміла Кірухіна, галоўны рэдактар рэдакцыі перыядычных выданняў і выданняў з працягам, выступіла на тэму “Самаадукацыя як галоўная ўмова развіцця прафесійных кампетэнцый бібліятэкараў”, пазнаёміўшы удзельнікаў з выданнямі Нацыянальнай бібліятэкі.

5-Vitebsk-90.jpg

Напрыканцы круглага стала галоўны спецыяліст упраўлення культуры і народнай творчасці галоўнага ўпраўлення культуры і аналітычнай работы Міністэрства культуры Рэспублікі Беларусь Сяргей Бацян і дырэктар Нацыянальнай бібліятэкі Беларусі Раман Матульскі адказалі на пытанні прысутных на пасяджэнні і абмеркавалі з імі магчымасці ўдасканалення работы бібліятэк.

Далей удзельнікі сустрэчы адправіліся на адкрыццё выстаўкі “Берлінскія міфы” Райнхарда Кляйста, а пазней – на экскурсіі па Віцебскай абласной бібліятэцы і Музеі гісторыі Віцебскага народнага мастацкага вучылішча.

Матэрыял прадастаўлены аддзелам сувязей з грамадскасцю.

Навіны

Выставачна-асветніцкае мерапрыемства, прысвечанае 200-годдзю з дня нараджэння Ф.М. Дастаеўскага

27 Ліп 2021

27 ліпеня ў Нацыянальнай бібліятэцы адбылося пленарнае пасяджэнне выставачна-асветніцкага мерапрыемства, прысвечанага 200-годдзю з дня нараджэння Ф.М. Дастаеўскага, і адкрыццё фотавыставы “Пецярбург Дастаеўскага”.

Навіны Нацыянальнай бібліятэкі Беларусі

Мой чытацкі спіс: навошта ім дзяліцца і ў чым наогул сэнс

28 Ліп 2021

У эпоху Інтэрнэту ўсё наша жыццё навідавоку. Фотаздымкі з паездак, душэўныя пасты ў сацсетках, нататкі пра хобі і любімыя фільмы хутка становяцца здабыткам грамадскасці – і нават чытанне. Што прымушае нас весці свае чытацкія дзённікі? Пахвальба, жаданне самасцвердзіцца ці проста прага да самавыяўлення? Давайце разбірацца – у спісах, кнігах і саміх сабе.

Аўтарскі погляд

“Ян Баршчэўскі, які любіў Бога, прыроду і людзей” – выстава ў музеі кнігі (+відэа)

23 Ліп 2021

22 ліпеня ў музеі кнігі Нацыянальнай бібліятэкі Беларусі адбылося адкрыццё выставы “Ян Баршчэўскі, які любіў Бога, прыроду і людзей”, на якой упершыню дэманструюцца разам аўтэнтычныя сведчанні пра знакамітага пісьменніка, аднаго з пачынальнікаў новай беларускай літаратуры.

Навіны Нацыянальнай бібліятэкі Беларусі

Садовае чараўніцтва: як Сесіль Мэры Баркер і кветкавыя феі змянілі кніжную ілюстрацыю

23 Ліп 2021

Вы калі-небудзь звярталі ўвагу, якія добрыя ілюстрацыі ў дзіцячых кнігах? Яны лёгкія, пяшчотныя, прыемныя воку і сэрцу – адно задавальненне... Праўда, мы зусім не ўспрымаем іх усур'ёз. У рэшце рэшт, гэта ж для дзяцей, а значыць, там шмат спрашчэнняў, умоўнасцей і зусім ніякай сур'ёзнасці, так? А вось і не. Кніжная ілюстрацыя можа быць сур'ёзнай, дакладнай і нават цалкам навуковай – не губляючы пры гэтым свайго чараўніцтва. Сёння мы пагаворым пра Сесіль Мэры Баркер, сапраўдную каралеву кветкавых фей, і пра батанічную ілюстрацыю.

Аўтарскі погляд

23 Ліп 2021

Пра бібліяаптэку мы яшчэ пагаворым. А зараз – пра рэчы не менш важныя. Свой першы твор Янка Купала напісаў па-польску, Якуб Колас – па-руску. Але кожны вярнуўся да родных вытокаў. Рашуча і канчаткова. Так бусел вяртаецца з выраю менавіта ў сваю буслянку…

Навіны бібліятэк

Бібліятэкарам