ГалоўнаяНавіныНавіны Нацыянальнай бібліятэкі Беларусі
У музеі кнігі чыталі пра Снежнага чалавека
Навагоднія прыгоды пачынаюцца!

Францыск Скарына “ў залатым”: незвычайны падарунак італьянскага мастака

Францыск Скарына “ў залатым”: незвычайны падарунак італьянскага мастака
Іншыя навіны

27 снежня італьянскі мастак Віталь Адзінцоў перадаў у дар Нацыянальнай бібліятэцы “Партрэт Францыска Скарыны” з сусальнага золата.


Віталь Адзінцоў, вядомы пад псеўданімам Эмануэль Хендрыкс, нарадзіўся і да сямі гадоў жыў у Жлобіне. Затым разам з бацькамі пераехаў у Італію, дзе атрымаў мастацкую адукацыю ў Акадэміі выяўленчых мастацтваў. Сёння Віталь часта наведвае сваю гістарычную радзіму і, канечне, праводзіць тут выстаўкі, мэта якіх не толькі і не столькі папулярызацыя мастацкіх адкрыццяў, колькі садзейнічанне развіццю культурных сувязей паміж Італіяй і Беларуссю.

У кастрычніку 2016 года работы мастака былі прадстаўлены ў экспазіцыі літаратурна-мастацкага праекта “Залатыя аўтографы на нябёсах”. Серыя партрэтаў, прысвечаных савецкім акцёрам, рэжысёрам і паэтам, карысталася вялікай папулярнасцю ў наведвальнікаў бібліятэкі. І гэта невыпадкова: жывую цікавасць выклікала ў гледачоў унікальная аўтарская тэхніка – “сусальнае золата на чорным аргшкле”. Як адзначыў член Беларускага саюза мастакоў, намеснік дырэктара Гомельскай абласной універсальнай бібліятэкі імя У.І. Леніна Алег Ананьеў, партрэты славянскіх пісьменнікаў, паэтаў, культурных дзеячаў займаюць асаблівае месца ў творчасці маладога мастака.

Яркім працягам гэтай серыі стаў малюнак славянскага гуманіста Францыска Скарыны. Аўтар работы Віталь Адзінцоў адзначыў той важны ўклад, які ўнёс асветнік у культуру Беларусі, а таксама падзяліўся сваімі ўражаннямі ад экскурсіі па будынку бібліятэкі.

Дырэктар Нацыянальнай бібліятэкі Беларусі Раман Матульскі падзякаваў маладому мастаку за каштоўны падарунак і запэўніў яго ў тым, што залаты партрэт Францыска Скарыны стане годным упрыгожаннем мерапрыемстваў, якія маюць быць у 2017 годзе ў азнаменаванне 500-годдзя беларускага кнігадрукавання, і ўбачаць яго не толькі жыхары розных куткоў Беларусі, але і іншых краін.

Тэлефоны для даведак: (8 017) 293 27 56, 293 28 33.

Е-mail: pr@nlb.by

Навіны

Сустрэча з Адамам Бабарэкам

18 Кас 2019

17 кастрычніка, у музеі гісторыі беларускай літаратуры ў рамках праекта “На хвалі часу, у плыні жыцця” адбылася лекцыя Ганны Севярынец “Крытык і сусвет. Адам Бабарэка, літаратура і літаратары”.

Навіны бібліятэк

Маўчанне сфiнкса

18 Кас 2019

Дэбютны зборнiк гэтай дваццацiгадовай паэткi ўкладаў самы вядомы беларускi паэт, афармляў самы вядомы мастак, фiнансавала легендарная княгiня-мецэнатка… I быў надрукаваны ў гэтым зборнiку верш, якi стаў народнай песняй.

Навіны бібліятэк

Шляхам, што вядзе да мары

18 Кас 2019

11–12 кастрычніка прыхільнікі творчасці Эльчына Сафарлі сустрэліся з любімым аўтарам у беларускай сталіцы. У Мінск ён прыехаў прадставіць новы раман “Дом, в котором горит свет”, выдадзены ў гэтым годзе ў АСТ.

Аўтарскі погляд

Пасяджэнне Савета бібліятэк Беларусі па інфармацыйным узаемадзеянні

17 Кас 2019

16 кастрычніка ў бібліятэцы ў рамках працы VI Міжнароднага кангрэса “Бібліятэка як феномен культуры” адбылося штогадовае пасяджэнне Савета бібліятэк Беларусі па інфармацыйным узаемадзеянні.

Навіны Нацыянальнай бібліятэкі Беларусі

111