13 ліпеня 2009 года ў Нацыянальнай бібліятэцы Беларусі пачала работу французская кінагрупа на чале з Рафаэлем Зарка – шырокавядомым у артыстычных колах Францыі мастаком, лаўрэатам прэміі Фонду Рыкар.
У 2009 годзе спаўняецца 500 гадоў з дня публікацыі кнігі “Боская прапорцыя”, вядомага матэматычнага трактата Лукі Пачыёлі, выдадзенага ў Венецыі ў 1509 годзе. Выява ромбакубаактаэдра рукі Леанарда да Вінчы стала ілюстрацыяй да дадзенага трактата. Будынак Нацыянальнай бібліятэкі Беларусі ўяўляе сабой самы вялікі і дзівосны ромбакубаактаэдр у свеце. Архітэктурнае вырашэнне будынка бібліятэкі зацікавіла Рафаэля Зарка, узнікла ідэя стварэння дакументальнага фільма, прысвечанага Нацыянальнай бібліятэцы Беларусі.
Здымачная група пачала работу са знаёмства з бібліятэкай: яе інфармацыйнымі рэсурсамі, структурай чытальных залаў, сістэмай абслугоўвання чытачоў, архітэктурнымі асаблівасцямі будынка і афармленнем інтэр’ераў.
 |
 |
 |
