21 верасня а 18-й гадзіне ў галерэі “Ракурс” (2-гі паверх) адбудзецца адкрыццё фотавыстаўкі “Модны Кітай”
Арганізатарамі мерапрыемства выступілі Пасольства Кітайскай Народнай Рэспублікі ў Рэспубліцы Беларусь і Нацыянальная бібліятэка Беларусі.
На выстаўцы будуць прадстаўлены 60 лепшых работ, выбраных з больш як тысячы заявак ад прафесійных фатографаў і фатографаў-аматараў з усёй краіны.
Наведвальнікі атрымаюць асалоду ад цудоўных пейзажаў, дзівосных світанкаў, пышнай архітэктуры і чароўных людзей усіх узростаў. Работы закліканы перадаць усю веліч і вытанчанасць сапраўды неўтаймоўнага духу сучаснага Кітая.
Тэлефоны для даведак: (8 017) 293 28 33, 293 28 23.
Е-mail: pr@nlb.by
