22 лютага ў Міністэрстве замежных спраў Рэспублікі Беларусь да Міжнароднага дня роднай мовы і Года народнага адзінства адбылося адкрыццё фотавыстаўкі “Беларусь: прыгожыя імгненні”, падрыхтаванай Нацыянальнай бібліятэкай Беларусі.
У экспазіцыю праекта ўвайшлі працы вядомых беларускіх фатографаў: Ігара Бышнёва, Максіма Вейзэ, Юліі Войніч, Кацярыны Міцінай, Сяргея Плыткевіча, Улада Сакалоўскага, Сяргея Тарасава. Фотаздымкі распавядаюць пра ўнікальную культуру нашай радзімы, прыгажосць яе прыроды, дабрыню і жыццярадаснасць жыхароў. Беларусь паўстае прыгожай, разнастайнай і непаўторнай краінай з шматвяковай гісторыяй, помнікамі старажытнай культуры і архітэктуры, сучаснымі будынкамі і наватарскімі ідэямі.
Серыя з 20 здымкаў адлюстроўвае прыроду, культуру і ўнікальнасць нашай радзімы. Сімвалічныя для яе жывёла зубр, расліны валошка, лён і канюшына, птушка бусел ахутаны шэрагам легенд і паданняў. Фотаэкспазіцыя не пакіне гледачоў абыякавымі, і кожны з вобразаў-імгненняў запомніцца надоўга.
Тэлефон для даведак: 8 (017) 293 28 81.
E-mail: pr@nlb.by