2 чэрвеня ў Цэнтры культуры і моладзі г. Бельцы (Рэспубліка Малдова) прайшла прэзентацыя фотапраекта “Беларусь: цудоўныя імгненні”, падрыхтаванага Нацыянальнай бібліятэкай Беларусі сумесна з тэлеканалам “Беларусь 24”.
Фотавыстава “Беларусь: цудоўныя імгненні” прадстаўляе ўвазе гледачоў серыю работ вядомых беларускіх фатографаў, на якіх адлюстраваны 20 маляўнічых і яскравых сюжэтаў, якія канцэнтруюць увагу гледачоў на беларускіх сімвалах, прыродзе, культуры і ўнікальнасці нашай краіны.
У рамках мерапрыемства, арганізаванага Пасольствам Рэспублікі Беларусь у Рэспубліцы Малдова, з прывітальным словам выступілі намеснік прымара г. Бельцы Таццяна Дубіцкая і старшыня Каардынацыйнага савета беларускіх аб’яднанняў у Малдове (г. Кішынёў) Ганна Бабін. Пасля прэзентацыі перад гасцямі выступілі артысты аматарскага тэатральнага калектыву “Ранак” пры Беларускім культурным цэнтры ў Рэспубліцы Малдова (г. Кішынёў).
Матэрыял пададзены аддзелам сувязей з грамадскасцю.
