З 29 лістапада ў Нацыянальнай бібліятэцы Беларусі праходзіць чатырохдзённы тэматычны семінар “Фарміраванне бібліяграфічных запісаў у фармаце BELMARC”.
У мерапрыемстве бяруць удзел вядучыя спецыялісты бібліятэк ВНУ з розных рэгіёнаў нашай краіны.
Супрацоўнікі Нацыянальнай бібліятэкі і навукова-вытворчай фірмы “ІНЕАК” знаёмяць удзельнікаў з тэхналогіяй стварэння машыначытаемай бібліяграфічнай прадукцыі, механізмам работы са Зводным электронным каталогам, праводзяць практычныя заняткі па фарміраванні бібліяграфічных запісаў на розныя віды дакументаў.
У рамках семінара таксама будзе арганізаваны круглы стол па абмеркаванні праблем, якія ўзнікаюць у рабоце каталагізатараў.
 |
 |
 |
