17 студзеня а 17-й гадзіне ў галерэі “Панарама” адбудзецца ўрачыстае адкрыццё выстаўкі “Фарбы Венецыі” фотамастака Генадзя Падбароднікава (Масква).
Генадзь Падбароднікаў працуе дырэктарам вытворчасці тэлевізійных праграм у адной з прыватных маскоўскіх тэлекампаній, аднак значную, калі нават не асноўную, частку свайго жыцця прысвячае фатаграфіі і пазнавальнай літаратуры.
Некалькі апошніх гадоў Генадзь Падбароднікаў працуе над ілюстраванай кнігай пра "найсвятлейшую рэспубліку Венецыю".
У экспазіцыю ўвайшлі 42 фатаграфіі, зробленыя авўтарам у перыяд з 2003 па 2011 г.
Выстаўка будзе доўжыцца да 4 сакавіка.
З 18 студзеня ўваход на выстаўку платны, складае кошт наведвання агляднай пляцоўкі.
Тэлефоны для даведак: 293-28-33, 293-27-67
E-mail: pr@nlb.by