ГалоўнаяНавіныНавіны Нацыянальнай бібліятэкі Беларусі
Прысутнасць Вільнюс. Кніжны форум з беларускім словам
Гартаючы старонкі замежнай перыёдыкі

Факсіміле рукапіснага помніка ранняга перыяду ВКЛ цяпер у “алмазе ведаў”

Факсіміле рукапіснага помніка ранняга перыяду ВКЛ  цяпер у  “алмазе ведаў”
Іншыя навіны

1 сакавіка ў музеі кнігі прайшла цырымонія перадачы ў дар Нацыянальнай бібліятэцы Беларусі факсімільнага выдання Лаўрышаўскага Евангелля.

Унікальная кніга, якая з'яўляецца рукапісным помнікам ранняга перыяду гісторыі Вялікага Княства Літоўскага, была створана для праваслаўнага Лаўрышаўскага мужчынскага манастыра пад Навагрудкам. Дзякуючы факсімільнаму ўзнаўленню ў кіеўскім выдавецтве “Гарабец” рарытэт стаў даступны масавай аўдыторыі.

Цырымонія перадачы выдання прайшла ва ўрачыстай абстаноўцы. Надзвычайны і Паўнамоцны Пасол Украіны ў Рэспубліцы Беларусь Ігар Кізім падкрэсліў важнасць факсімільных перавыданняў для аховы і даследавання культурнай спадчыны і запрасіў Нацыянальную бібліятэку да супрацоўніцтва.

Намеснік міністра культуры Рэспублікі Беларусь Сяргей Шарамецьеў адзначыў, што ўзнаўленне Лаўрышаўскага Евангелля – адзін з найцікавейшых праектаў па факсімільным перавыданні помнікаў кніжнай спадчыны, і падзякаваў выдавецтву за плённую працу.

Намеснік дырэктара Нацыянальнай бібліятэкі Беларусі Аляксандр Суша заўважыў, што многія ўнікальныя кнігі, якія прадстаўляе каштоўнасць адначасова для Беларусі і Украіны, – добрая глеба для супольных праектаў і абмену вопытам.

У мерапрыемстве прынялі ўдзел доктар філалагічных навук, навуковы даследчык Лаўрышаўскага Евангелля Віктар Майсіенка, дырэктар выдавецтва “Гарабец” Ганна Гарабец, мецэнат Вольга Скрыпчанка, журналісты і іншыя зацікаўленыя праектам асобы.

На сённяшні дзень арыгінал кнігі захоўваецца ў бібліятэцы князёў Чартарыйскіх (Польшча, Кракаў). Лаўрышаўскае Евангелле мае адметнае мастацкае аздабленне: ілюстравана мініяцюрамі, пераплёт упрыгожаны каштоўнымі камянямі і фігурнай металічнай пласцінай з выявай святога воіна (магчыма, князя Войшалка).

Матэрыял прадастаўлены аддзелам сувязей з грамадскасцю.

Чытайце таксама:

Навіны

“Мы зарунелі на беларускіх загонах”: раннія творы маладнякоўцаў у беларускіх газетах 1917–1922 гг.

22 Вер 2019

Газеты можна параўнаць з летапісамі – на іх старонках занатаваны падзеі, якія пакінулі след у гісторыі, праз іх мы можам зазірнуць у мінулае і адчуць яго атмасферу. Паспрабуйма з дапамогай беларускіх газет 1917–1922 гадоў прасачыць, як сталелі тыя, хто ўвайшоў у склад Усебеларускага літаратурнага аб’яднання паэтаў і пісьменнікаў “Маладняк”.

Навіны бібліятэк

Які лёс беларускіх прыватных бібліятэк?

20 Вер 2019

Зборнік “Рэха беларускіх кнігазбораў: лёсы прыватных бібліятэк” выйшаў у свет у пачатку года. У ім сабраны гісторыі прыватных кніжных калекцый Беларусі пачынаючы з XVI стагоддзя. Гэтыя гісторыі гучаць досыць рэдка, пра іх мала хто ведае, аднак гэта толькі павялічвае той інтарэс, які ўзнікае пры іх прачытанні.

Навіны Нацыянальнай бібліятэкі Беларусі

Палюбіць беларускую камедыю: да 100-годдзя са дня нараджэння літаратуразнаўцы Якуба Усікава

20 Вер 2019

20 верасня споўнілася б 100 год са дня нараджэння беларускага літаратуразнаўцы, крытыка і педагога Якуба Усікава. Сваю навуковую дзейнасць ён прысвяціў беларускай драматургіі, у прыватнасці, камедыі.

Аўтарскі погляд

Нацыянальная бібліятэка далучылася да дзён расійскай духоўнай культуры

19 Вер 2019

19 верасня ў бібліятэцы прайшоў шэраг мерапрыемстваў у рамках форуму “Гістарычная, культурная і духоўная еднасць расійскага і беларускага народаў”, прымеркаванага да дзён расійскай духоўнай культуры.

Навіны Нацыянальнай бібліятэкі Беларусі

Сустрэча з адвакатам “Статус маладога спецыяліста: правы і гарантыі”

19 Вер 2019

18 верасня 2019 г. Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Статус маладога спецыяліста: правы і гарантыі”.

Навіны Нацыянальнай бібліятэкі Беларусі

Візіт настаўнікаў беларускай мовы з Польшчы

19 Вер 2019

18 верасня для настаўнікаў беларускай мовы з Польшчы ў бібліятэцы ў межах семінара “Актуальныя пытанні вывучэння сучаснай беларускай мовы” былі арганізаваны музейныя заняткі. Сустрэча была ініцыіравана Акадэміяй паслядыпломнай адукацыі.

Навіны Нацыянальнай бібліятэкі Беларусі

Віртуальная чытальная зала працягвае знаёміць з рэсурсамі, прысвечанымі айчынным майстрам паэзіі і прозы

19 Вер 2019

Віртуальны музей Аркадзя Куляшова “Сэрца, дзе ўсёй зямлі трывога...” – гэтымі словамі паэта-класіка Аркадзя Куляшова звяртаем увагу аматараў слоўнай творчасці на персанальныя інфармацыйныя рэсурсы дзеячаў літаратуры Беларусі – М. Гарэцкага, А. Куляшова, У. Скарынкіна.

Навіны Нацыянальнай бібліятэкі Беларусі

111