Часопісы і кнігі па эканоміцы, фінансах, менеджменце, маркетынгу, кіраванні персаналам электроннай бібліятэкі “Grebennikon” даступны ў дыстанцыйным рэжыме.
Аддалены доступ да гэтых рэсурсаў адкрыў выдавецкі дом “Гребенников” – партнёр Нацыянальнай бібліятэкі Беларусі і іншых бібліятэк краіны.
Працаваць з электроннай бібліятэкай можна з дому ці любога зручнага для вас пункту доступу. Для гэтага трэба толькі зарэгістравацца на электроннай платформе “Grebennikon” (прапануем скарыстацца пакрокавай інструкцыяй).
Інфармацыя пра іншыя ліцэнзійныя электронныя рэсурсы і магчымасці аддаленай працы з імі, рэсурсы адкрытага доступу, а таксама рэсурсы, якiя ствараюцца НББ, даступна ў раздзелах “Электронныя інфармацыйныя рэсурсы” і “COVID-19: навуковыя рэсурсы вядучых сусветных выдавецтваў”.
Жадаем вам плённай працы!
Матэрыял прадастаўлены аддзелам карпаратыўнага ўзаемадзеяння.