Нацыянальная бібліятэка Беларусі, арыентуючыся на патрэбы і перавагі сваіх карыстальнікаў, набывае электронныя кнігі сусветна вядомых выдавецтваў.
Сёння ў нашай бібліятэцы адкрыты доступ да калекцыі кніг кампаніі EBSCO. Гэта каля 3 500 твораў сусветнай мастацкай і навуковай літаратуры, даведнікаў, навукова-папулярных выданняў універсальнай тэматыкі. Асобнай увагі заслугоўвае падборка кніг па музыказнаўстве.
Больш за 500 электронных кніг па эканоміцы, вылічальнай тэхніцы, юрыспрудэнцыі, матэматыцы, медыцыне і іншых галінах ведаў прадстаўлена ў базе дадзеных SpringerLink вядучага сусветнага выдавецтва Springer Nature.
Акрамя гэтых калекцый, адкрыты доступ да электронных версій кніг выдавецтва John Wiley & Sons, якое спецыялізуецца на выпуску акадэмічных выданняў. Падборка, прадстаўленая ў бібліятэцы, складаецца з кніг, тэматыка якіх – сучасныя дасягненні ў галіне інфармацыйных тэхналогій.