21 сакавіка ў Нацыянальнай бібліятэцы Беларусі адбыўся семінар “Электронныя інфармацыйныя магчымасці выдавецтваў Wiley і IOP Publishing для бібліятэк”.
Пад час семінара прайшла прэзентацыя электроннай інфармацыйнай прадукцыі выдавецтва Wiley-Blackwell, былі прадэманстраваны магчымасці работы з электроннымі кнігамі пасродкам партала Wiley Online Library. Прадстаўнік выдавецтва IOP Publishing выступіў з аглядам часопісаў, якія адлюстроўваюць асноўныя напрамкі развіцця тэарэтычнай і прыкладной фізікі.
У мерапрыемстве ўзялі ўдзел каля 60 чалавек: кіраўнікі і спецыялісты бібліятэк Беларусі і іншых арганізацый, зацікаўленых у павышэнні якасці інфармацыйнага абслугоўвання карыстальнікаў.
 |
 |
 |
 |
