Нацыянальная бібліятэка Беларусі запрашае на заняткі ў музей кнігі і прапануе для школьнікаў 1–11 класаў экспрэс-курс “Ад кнігі рукапіснай – да друкаванай”.
Галоўнай культурнай падзеяй 2017 года, безумоўна, стане значны юбілей – 500-годдзе беларускага кнігадрукавання. Каб быць падрыхтаваным да важнай падзеі, можна пачытаць раздзел у падручніку альбо артыкул у Вікіпедыі, але лепшы варыянт – прайсці экспрэс-курс “Ад кнігі рукапіснай – да друкаванай”.
Экспрэс-курс “Ад кнігі рукапіснай – да друкаванай” – гэта хуткае навучанне шляхам атрымання актуальнай і патрэбнай інфармацыі ў сціснутым выглядзе. Ён дае базавы ўзровень разумення асноўных этапаў развіцця кнігі. Вучні будуць мець магчымасць на ўласныя вочы ўбачыць кніжныя помнікі – артэфакты з мінулага, якім ужо 500 і больш гадоў. Заняткі праводзяцца ў даступнай і займальнай форме. Пазнанне разнастайнасці кніжнай культуры адбываецца праз дыялог, гульні і творчасць.
Экспрэс-курс “Ад кнігі рукапіснай – да друкаванай” уключае тры музейныя заняткі:
- Рукапісная кніга – падмурак для стварэння кнігадрукавання.
- Ёган Гутэнберг і пачатак еўрапейскага кнігадрукавання.
- Францыск Скарына – беларускі першадрукар.
Працягласць заняткаў – 60 хвілін.
Кошт заняткаў:
першыя заняткі: 3.70 (тры рублі семдзесят капеек) з матэрыялам для творчага задання;
другія заняткі: 2.50 (два рублі пяцьдзесят капеек) з матэрыялам для творчага задання;
трэція заняткі: 3.00 (тры рублі) з матэрыялам для творчага задання.
Чакаем усіх у музеі кнігі Нацыянальнай бібліятэкі Беларусі!
Будзьма святкаваць значны юбілей разам!
Кантактная інфармацыя:
Таццяна Андрэеўна Сапега, каардынатар праграмы,
тэлефоны: (8 017) 293 27 82, (8 025) 994 21 12.
