ГалоўнаяНавіныНавіны Нацыянальнай бібліятэкі Беларусі
“Лепшыя кнігі Беларусі”: выстаўка па выніках LХ Нацыянальнага конкурсу “Мастацтва кнігі”
Адкрылася ўнікальная выстаўка пра мастацтва ілюстрацыі (+відэа)

Экскурсія, прысвечаная жыццю Еўфрасінні Полацкай

Экскурсія, прысвечаная жыццю Еўфрасінні Полацкай
Іншыя навіны

25 лютага ў бібліятэцы прайшла першая экскурсія з цыкла “Славутыя імёны Бацькаўшчыны”, прысвечаная жыццю святой Еўфрасінні Полацкай. Першымі экскурсантамі сталі навучэнцы Мінскага дзяржаўнага прафесійнага ліцэя № 7 будаўніцтва.

Экскурсія была праведзена ў рамках міжрэгіянальнай сеткавай акцыі па папулярызацыі чытання #ДниЯрославаМудрого, арганізатарам якой выступае Цэнтралізаваная сістэма дзіцячых бібліятэк горада Яраслаўля. Акцыя праводзіцца штогод і заклікана спрыяць папулярызацыі чытання. Нацыянальная бібліятэка і ліцэй № 7 будаўніцтва ўдзельнічаюць у акцыі ўжо другі год.

Часткай экскурсіі сталі інтэрактыўныя заняткі, падчас якіх ліцэісты змаглі ўзбагаціць свае веды пра жыццё Еўфрасінні Полацкай і яе вялікіх продкаў, нашчадкаў кіеўскага князя Уладзіміра і полацкай князёўны Рагнеды. Экскурсантам была прапанавана прэзентацыя, тэматычныя гульні і віктарыны, а таксама кніжная выстава. Навучэнцы змаглі дакрануцца да дакументаў з фондаў Нацыянальнай бібліятэкі Беларусі, у тым ліку кніг XIX – пачатку XX стагоддзя: Жыція прападобнай Еўфрасінні Полацкай, выданняў розных гадоў “Слова пра паход Ігаравы”. Сярод іх – выпушчанае Нацыянальнай бібліятэкай факсіміле першага выдання паэмы 1800 года і самыя раннія пераклады “Слова...” на беларускую мову, зробленыя Янкам Купалам: празаічны (1919 года) і паэтычны (1921 года).

Запрашаем і вас на экскурсію, прысвечаную святой Еўфрасінні Полацкай. Гэта выдатная магчымасць папоўніць свае веды і дакрануцца да гісторыі.

Тэлефоны для запісу: (8 017) 293 29 66, 293 28 53.

Матэрыял пададзены экскурсійна-метадычным аддзелам.

Навіны

Вэбінар “Публікацыя навуковых артыкулаў у міжнародных часопісах у рэжыме адкрытага доступу (Open Access)”

9 Кра 2021

19 красавіка ў 12.00 пройдзе вэбінар “Публікацыя навуковых артыкулаў у міжнародных часопісах у рэжыме адкрытага доступу (Open Access)”.

Навіны Нацыянальнай бібліятэкі Беларусі

Вэбінар “Методыка і тэхналогія каталагізацыі дакументаў у рэгіянальных зводных электронных каталогах”

9 Кра 2021

15 красавіка з 10.00 да 11.30 Нацыянальная бібліятэка Беларусі праводзіць вэбінар для бібліятэк, падключаных да рэгіянальных зводных электронных каталогаў нашай краіны.

Навіны Нацыянальнай бібліятэкі Беларусі

РЗЭК бібліятэк Мінскай вобласці працягвае раскрываць фонды бібліятэчных устаноў рэгіёна

9 Кра 2021

Да Рэгіянальнага зводнага электроннага каталога бібліятэк Мінскай вобласці далучыліся два новыя партнёры – Нясвіжская цэнтральная раённая бібліятэка імя Паўла Пранузы і Дзяржынская раённая цэнтралізаваная бібліятэчная сістэма. Рэсурс папоўніўся на 87 тысяч бібліяграфічных запісаў на дакументы, якія захоўваюцца ў гэтых бібліятэчных установах.

Навіны Нацыянальнай бібліятэкі Беларусі

Бібліятэкарам
111