11 верасня для 20 кітайскіх студэнтаў з Цэнтраў вывучэння Беларусі ў Кітаі ў бібліятэцы прайшла экскурсія “Славутыя імёны Бацькаўшчыны”.
Маладыя людзі з’яўляюцца ўдзельнікамі VI Міжнароднага адукацыйнага праекту “Летняя школа – 2019. Пазнай Беларусь: ад адукацыі да культуры”.
Экскурсія была прысвечана беларускаму першадрукару Францыску Скарыну. Студэнты пазнаёміліся з жыццёвым шляхам і выдавецкай дзейнасцю славутага беларуса, з вялікай цікавасцю прачыталі ўрывак з Бібліі Францыска Скарыны ў перакладзе на кітайскую мову, а ў музеі кнігі пабачылі арыгіналы скарынаўскіх выданняў. У канцы экскурсіі госці падняліся на аглядную пляцоўку, каб палюбавацца Мінскам з вышыні птушынага палёту.
Запрашаем на экскурсіі з цыклу “Славутыя імёны Бацькаўшчыны па творчасці Францыска Скарыны, Янкі Купалы, Якуба Коласа, Максіма Багдановіча, Кандрата Крапівы, Міхася Зарэцкага, Уладзіміра Караткевіча і Янкі Маўра.
Матэрыял прадастаўлены аддзелам экскурсійна-метадычнай работы.
