15 мая, у Міжнародны дзень сям’і, бібліятэку наведалі шматдзетныя сем’і, якія выхоўваюць больш за 5 дзяцей, з розных куткоў нашай краіны.
Кожная з іх – прыклад згуртаванасці, дружбы і ўзаемаразумення. І невыпадкова ў гэты Дзень Беларускі дзіцячы фонд уручыў ім ганаровыя прэміі імя З. Тусналобавай-Марчанка.
Падчас экскурсіі госці не толькі пазнаёміліся з Нацыянальнай бібліятэкай Беларусі як найбуйнейшым інфармацыйным цэнтрам і яго архітэктурнымі асаблівасцямі, але і загадалі жаданні ля гранітнага фантана ў атрыуме 1-га паверха, разгледзелі манументальныя пано свайго рэгіёну, прасачылі за працэсам заказу, дастаўкі і выдачы літаратуры і, канечне ж, палюбаваліся відамі Мінска з вышыні птушынага палёту на агляднай пляцоўцы будынка.
Хочам пажадаць экскурсантам новых уражанняў і таму чакаем іх у бібліятэцы яшчэ не раз!