У Міжнародны дзень роднай мовы, які адзначаецца ва ўсім свеце 21 лютага, вучні 4 ”Б” класа сярэдняй школы № 94 і 7 ”А” і 7 ”В” класаў сярэдняй школы № 121 г. Мінска завіталі ў Нацыянальную бібліятэку на экскурсію.
Падчас экскурсіі, якая праходзіла на беларускай мове, дзеці пазнаёміліся з гісторыяй установы, архітэктурнымі асаблівасцямі будынка, работай чытальных залаў, сістэмай дастаўкі дакументаў. Захапленне ў дзяцей выклікалі работы беларускіх мастакоў, якія знаёмяць з гісторыяй і культурай Беларусі.
Напрыканцы экскурсіі наведвальнікі з задавальненнем чыталі на роднай мове вершы Максіма Багдановіча каля работы Алены Шлегель “Вянок санетаў”.
Верш Максіма Багдановіча