14 кастрычніка ў бібліятэцы для Кастрычніцкай г. Мінска раённай арганізацыі ГА “Беларускі саюз жанчын” прайшла экскурсія, прысвечаная Дню маці.
Удзельніцам экскурсіі падаравалі святочную прагулку па будынку галоўнай бібліятэкі краіны. Госці пазнаёміліся з мастацкім афармленнем будынка, сістэмай заказу і выдачы літаратуры, пабывалі ў адным з чытальных залаў.
У музеі кнігі яны ўбачылі ўнікальныя экспанаты міжнароднай выстаўкі “Беларусь і Біблія” і змаглі надрукаваць для сябе па старонцы Бібліі Францыска Скарыны на рэканструяваным друкарскім станку.
У канцы ўсіх удзельніц экскурсіі чакаў пад’ём на аглядную пляцоўку, дзе яны палюбаваліся маляўнічасцю Мінска з вышыні птушынага палёту і наведалі выстаўку ў мастацкай галерэі “Панарама”.