23 лютага на экскурсію “Помнім боль і страты твае, Беларусь…”, прысвечаную літаратуры перыяду Вялікай Айчыннай вайны, у Нацыянальную бібліятэку завіталі выхаванцы Мінскага ваеннага сувораўскага вучылішча.
Экскурсанты пазнаёміліся з архітэктурай, мастацкім афармленнем бібліятэкі, сістэмай заказу, дастаўкі і выдачы літаратуры. Частка экскурсіі прайшла ў выглядзе інтэрактыўных заняткаў, падчас якіх госці азнаёміліся з творчасцю П. Панчанкі, А. Куляшова, М. Танка, змаглі пагартаць кнігі гэтых аўтараў з фондаў бібліятэкі, убачыць унікальныя выяўленчыя дакументы (фотаздымкі, паштоўкі, плакаты), у тым ліку 40-х гадоў, выканалі шэраг інтэрактыўных заданняў.
У канцы экскурсіі госці падняліся на аглядную пляцоўку і палюбаваліся Мінскам з вышыні птушынага палёту
Запрашаем усіх, хто цікавіцца беларускай літаратурай і гісторыяй, на іншыя экскурсіі з цыкла “Славутыя імёны Бацькаўшчыны” па творчасці знакамітых беларусаў: Янкі Купалы, Якуба Коласа, Максіма Багдановіча, Кандрата Крапівы, Міхася Зарэцкага, Янкі Маўра, Уладзіміра Караткевіча, Васіля Быкава, Францыска Скарыны і Марка Шагала.
Заяўкі прымаюцца з 10.00 да 18.00 кожны дзень, акрамя панядзелка.
Тэлефоны для запісу: (8 017) 293 29 66, 293 28 53.
Матэрыял пададзены экскурсійна-метадычным аддзелам.