29 лістапада дзіцячы пакой запрашае дзяцей 6–9 гадоў на літаратурнае чытанне “Што за цуд гэтыя казкі!”.
Краіна казак – самая дзіўная і цудоўная з усіх краін на свеце. Упершыню дзіця трапляе туды яшчэ не ўмеючы чытаць, калі мама ці бабуля расказваюць яму казку на ноч.
Не сакрэт, што казкі любяць не толькі дзеці, але і многія дарослыя. Слухаючы іх ці чытаючы, чалавек спасцігае адвечную мудрасць, беражліва захаваную для нас продкамі, трапляе ў свет, дзе адбываюцца цуды і дабро заўсёды перамагае зло.
Падчас літаратурнага чытання дзеці здзейсняць падарожжа ў свет такіх казак, як “Церамок”, “Калабок”, “Гусі-Лебедзі”, “Курачка-Рабка”, “Рэпка”, “Маша і Мядзведзь”, пазнаёмяцца з казачнымі героямі і даведаюцца шмат новага і цікавага.
Чытанне казак развівае вобразнае мысленне і ўяўленне, узбагачае ўнутраны свет, пашырае кругагляд дзяцей. Вечар, прысвечаны казкам, падорыць удзельнікам станоўчыя эмоцыі, новыя знаёмствы, добрыя веды і… кропельку чараўніцтва.
Час правядзення: 18.00–19.30
Тэлефон для даведак: (8 017) 293-25-34