23 жніўня дзіцячы пакой запрашае дзяцей 6–9 гадоў на літаратурнае чытанне “Знаёмства з кнігамі М. Носава”.
Літаратурнае знаёмства пачнецца з мультфільма-прэзентацыі пра самага папулярнага героя пісьменніка – Нязнайку. Падчас мерапрыемства дзеці пазнаёмяцца з такімі дзіўнымі расказамі М. Носава, як “Жывы капялюш”, “Тэлефон”, а таксама з раманам-казкай “Прыгоды Нязнайкі і яго сяброў”.
Хлопчыкі і дзяўчынкі, падарожнічаючы па старонках кніг гэтага выдатнага рускага пісьменніка, даведаюцца пра забаўныя здарэнні і смешныя выпадкі ўпадабаных герояў.
Дакрануўшыся да творчасці Мікалая Носава, дзеці раскрыюць у сабе такія каштоўныя якасці, як дабрыня і гумар, навучацца шанаваць і берагчы сяброўства, а таксама з большай цікавасцю будуць чытаць кнігі.
Завершыцца мерапрыемства конкурсам малюнкаў “Расфарбуй герояў апавяданняў М. Носава”.
Час правядзення мерапрыемства: 18.00–19.30.
Усімі мастацкімі матэрыяламі дзеці будуць забяспечаны.
Папярэдні запіс па тэлефоне: (8 017) 293 25 34.
