19 ліпеня дзіцячы пакой запрашае дзяцей 5–9 гадоў на творчыя заняткі “Азірніся навокал”.
Мерапрыемства арганізавана, каб выхаваць у дзяцей любоў і пашану да навакольнага асяроддзя, роднага краю, імкненне захоўваць, берагчы і памнажаць прыродныя багацці роднай зямлі, чуласць і разуменне таго, што гэты скарб не бясконцы.
Падчас заняткаў дзеці створаць незвычайную сюжэтную аплікацыю з каляровай паперы, кардону і клею. Таксама хлопчыкі і дзяўчынкі прымуць удзел у інтэлектуальных і рухомых гульнях, выявіўшы сваю назіральнасць, кемлівасць, творчую фантазію і спрыт. Кожны ўдзельнік зможа падзяліцца сваімі ўражаннямі пра навакольны свет і ўвасобіць іх з дапамогай каляровай паперы.
Час правядзення мерапрыемства: 18.00–19.30.
Наведванне дзіцячага пакоя платна.
Усімі мастацкімі матэрыяламі дзеці будуць забяспечаны.
Папярэдні запіс па тэлефоне: (8 017) 293 25 34.