9 снежня дзіцячы пакой запрашае хлопчыкаў і дзяўчынак наведаць літаратурна-музычную гасцёўню “Казкі чараўніцы Зімы”.
Зіма – дзівосная і прыгожая пара года, калі прырода пагружаецца ў салодкі сон і ўсё навокал становіцца чарадзейным і казачным. Песні і вершы пра зіму, якія прагучаць на мерапрыемстве, дапамогуць стварыць у дзяцей цудоўны зімовы настрой. Праявіць кемлівасць хлопчыкі і дзяўчынкі змогуць у конкурсах “Навагодні сюрпрыз”, “Што любіць ёлка! і “А ну адгадай!”.
Напрыканцы мерапрыемства кожнае дзіця зможа стаць маленькім чараўніком і стварыць сваю непаўторную ёлачку і сняжынку ў нетрадыцыйнай тэхніцы выяўленчага мастацтва.
Запрашаюцца дзеці 5–9 гадоў.
Час правядзення заняткаў: 18.00–19.30.
Наведванне дзіцячага пакоя платнае.
Усімі мастацкімі матэрыяламі дзеці будуць забяспечаны.
Папярэдні запіс на мерапрыемства па тэлефоне: (8 017) 293 25 34.
