5 красавіка дзіцячы пакой запрашае на літаратурнае чытанне для малодшых школьнікаў “Знаёмства з «Паласатай газетай»”.
З галоўным персанажам “Паласатай газеты” – незвычайнай каляровай зебрай – дзеці разам пагартаюць старонкі займальнага дзіцячага часопіса. Тут яны даведаюцца пра дзівосныя краіны, займальныя адкрыцці, здольнасці розных жывёл і пачуюць карысныя парады пра тое, як паводзіць сябе ў экстрэмальных сітуацыях.
Дзяўчынкі і хлопчыкі прачытаюць гісторыі пра маленькія гераічныя ўчынкі і пазнаёмяцца з цікавымі дзіцячымі кнігамі, якія рэкамендуе часопіс на сваіх старонках. А яшчэ будзе шмат гульняў, конкурсаў, загадак, галаваломак, пазітыву і падарункаў.
Запрашаюцца дзеці ва ўзросце 6–12 гадоў.
Час правядзення мерапрыемства: 18.00–19.30.
Наведванне дзіцячага пакоя платнае.
Папярэдні запіс па тэлефоне: (8 017) 293 25 34.