28 ліпеня дзіцячы пакой Нацыянальнай бібліятэкі Беларусі запрашае дзяцей чытачоў і ўсіх жадаючых на творчыя заняткі “Я на сонейку ляжу”.
Творчыя заняткі дадуць магчымасць хлопчыкам і дзяўчынкам папрактыкавацца ў майстраванні сюжэтных вырабаў з дапамогай нетрадыцыйных сродкаў малюнка і перанесціся ў чарадзейны свет зялёных пальмаў, прахалодных бунгала і казачных чарапашак.
Для ўвасаблення задумкі юным умельцам спатрэбяцца кардон, пластылін, фарбы, а таксама падручны і прыродны матэрыял. Разнастайнасць мастацкіх сродкаў дазволіць паэксперыментаваць, дапаможа рэалізаваць свае творчыя здольнасці.
Заняткі праводзяцца бясплатна. Усе мастацкія матэрыялы дзецям будуць дадзены.
Запрашаюцца дзеці 5–8 гадоў.
Час правядзення заняткаў: 18.00–19.30