18 кастрычніка ў дзіцячым пакоі Нацыянальнай бібліятэкі Беларусі для дзяцей чытачоў і ўсіх жадаючых ладзяцца творчыя заняткі "Хатка для вожыка" з цыкла "Нетрадыцыйныя спосабы выяўлення".
На мерапрыемстве маленькія ўдзельнікі навучацца канструяваць сюжэтныя вырабы з дапамогай розных матэрыялаў (кардона, пластыліну, каляровай паперы і інш.).
Выкарыстаныя на занятках прыкладныя матэрыялы паслужаць добрымі памочнікамі для развіцця творчай актыўнасці, уяўлення, вобразнага мыслення і дробнай маторыкі рук.
Праграму разнастаяць рухавыя гульні і прагляд аднаго з любімых мультфільмаў "Кошкін дом".
Усімі матэрыяламі для вырабу дзеці будуць забяспечаны. Заняткі праводзяцца бясплатна.Запрашаюцца дзеці 5–8 гадоў.
Час правядзення заняткаў: 18.00–19.30.
Кантактны тэлефон: (375-17) 293-25-34.
