Дзіцячы пакой Нацыянальнай бібліятэкі Беларусі 21 лістапада праводзіць творчыя заняткі з цыкла "Нетрадыцыйныя спосабы выяўлення".
Дзеці змогуць стварыць аплікацыю "Лясная палянка" з восеньскага лісця і кветак.
На занятках хлопчыкі і дзяўчынкі навучацца працаваць з новым відам матэрыялу для аплікацыі – засушанымі кветкамі і лісцем. Гэты прыродны матэрыял – добры памочнік для развіцця творчай актыўнасці, уяўлення, вобразнага мыслення.
Падчас заняткаў будуць арганізаваны тэматычныя рухавыя гульні, прагляд любімых мультфільмаў.
Заняткі праводзяцца бясплатна. Усімі мастацкімі матэрыяламі маленькія наведвальнікі будуць забяспечаны.
Запрашаюцца дзеці 5–8 гадоў.
Час правядзення заняткаў: 12.00–13.30.