10 лістапада дзіцячы пакой Нацыянальнай бібліятэкі Беларусі запрашае дзяцей на творчае мерапрыемства “Падарожжа на папяровым карабліку”.
Маленькіх гасцей чакае сустрэча з сучасным дзіцячым паэтам А.В. Смятаніным, які зусім нядаўна стаў лаўрэатам Міжнароднай літаратурнай прэміі “Золотое перо Руси”. Андрэй Смятанін сумесна з беларускім прадстаўніцтвам праваслаўнага выдавецтва “Фома” прэзентуе новую кнігу “Я сижу на облаке” з дзіцячай кніжнай серыі “Настя и Никита”.
Мерапрыемства будзе праходзіць у гульнявой форме. Спачатку дзеці навучацца рабіць папяровыя караблікі, а затым адправяцца падарожнічаць па старонках кнігі. Кожны верш аўтара будзе падставай для конкурсаў: “Адгадай слова”, “Гульня ў рыфмы” і інш.
У канцы сустрэчы самыя актыўныя ўдзельнікі атрымаюць прызы ад выдавецтва.
Запрашаюцца дзеці 7–10 гадоў.
Час правядзення: 18.00–19.30.
Кантактны тэлефон: 293-25-34.
