29 чэрвеня дзіцячы пакой Нацыянальнай бібліятэкі Беларусі запрашае дзяцей чытачоў і ўсіх жадаючых на творчыя заняткі “Мой горад” з цыкла “Нетрадыцыйныя спосабы выяўлення”.
На занятках маленькія ўдзельнікі змогуць самастойна вырабіць макет горада сваёй мары. Для ўвасаблення задумкі ім спатрэбяцца кардон, пластылін, фарбы і розныя прыродныя матэрыялы. Разнастайнасць мастацкіх сродкаў дазволіць ім паэксперыментаваць, дасць прастор для фантазіі, дапаможа рэалізаваць свае творчыя здольнасці.
Заняткі праводзяцца бясплатна. Усімі мастацкімі матэрыяламі дзеці будуць забяспечаны.
Запрашаюцца дзеці 5–8 гадоў.
Час правядзення заняткаў: 18.00–19.30.
Кантактны тэлефон: (375-17) 293-25-34.
