16 мая дзіцячы пакой Нацыянальнай бібліятэкі Беларусі запрашае на творчыя заняткі з цыкла “Нетрадыцыйныя спосабы выяўлення”.
Дзеці змогуць стварыць вясёлую кампазіцыю “Баранчык-падарожнік” з дапамогай нетрадыцыйных сродкаў выяўлення – сурвэтак, круп, макаронных вырабаў, ваты, а таксама навучацца канструяваць кветкі з паперы.
Маленькім наведвальнікам бібліятэкі будуць прапанаваны матэрыялы для развіцця творчых здольнасцей, уяўлення, вобразнага мыслення і дробнай маторыкі рук. На занятках дзеці ўспомняць і замацуюць навыкі працы з клеем і крупамі, навучацца ствараць выявы з сурвэтак. Разнастайнасць мастацкіх сродкаў дазволіць ім паэксперыментаваць, дасць прастору для фантазіі.
Будуць арганізаваны тэматычныя рухавыя гульні, прагляд мультфільмаў.
Заняткі праводзяцца бясплатна. Усімі мастацкімі матэрыяламі дзеці будуць забяспечаны.
Запрашаюцца дзеці 4–8 гадоў.
Час правядзення заняткаў: 12.00–13.30.
