2 верасня ў рамках святкавання Дня ведаў у Нацыянальнай бібліятэцы Беларусі адбыўся першы ўрок для вучняў ДУА “Гімназія № 1 імя Ф. Скарыны г. МІнска”.
Падобныя мерапрыемствы сталі ўжо традыцыйнымі. Кожны год перад пачаткам школьных заняткаў дзверы бібліятэкі адчыняюцца для маленькіх грамадзян.
З прывітальным словам на ўроку выступіла першы намеснік дырэктара па абслугоўванні карыстальнікаў і ідэалогіі Алена Ерамееўна Далгаполава.
Завяршыліся першыя заняткі ўрачыстым запускам паветраных шароў у неба. Затым для навучэнцаў была праведзена аглядная экскурсія па будынку Нацыянальнай бібліятэкі, пад час якой хлопчыкі і дзяўчынкі пазнаёміліся з работай бібліятэкі, мастацкім афармленнем інтэр’ераў.
У музеі кнігі да ўвагі маленькіх гасцей была прадстаўлена калекцыя рарытэтных выданняў.
Экскурсія прадоўжылася на адкрытай агляднай пляцоўцы, адкуль разгортваецца маляўнічы від на сталіцу і наваколле.