ГалоўнаяНавіныНавіны Нацыянальнай бібліятэкі Беларусі
Памiж iмпрэзай i шапiкам
Пра радзіму на роднай мове

Дзень роднай мовы ў бібліятэцы

Дзень роднай мовы ў бібліятэцы
Іншыя навіны

Спецыяльна да Міжнароднага дня роднай мовы Нацыянальная бібліятэка Беларусі падрыхтавала шэраг праектаў і мерапрыемстваў.

21 лютага ў “алмаз ведаў” прыехалі кіраўнікі і прадстаўнікі дыпламатычных місій, каб прачытаць прозу і вершы нацыянальных пісьменнікаў на тэму радзімы на сваёй мове. У сценах бібліятэкі прагучалі ўрыўкі з твораў нацыянальных аўтараў з розных краін свету.

Паглыбіцца ў гісторыю беларускай мовы прапанавалі ў музеі кнігі. Тут праходзіць выстава “Biełaruskaja łacinka”. У экспазіцыі прадстаўлены кніжныя помнікі, створаныя ў лацінскай графіцы на беларускай мове, пачынаючы з XVII стагоддзя і да сучаснасці. Выстава будзе працаваць да 30 чэрвеня 2020 г.

drm_final_5.JPG

У чытальнай зале аддзела міжбібліятэчнага абанемента і дастаўкі дакументаў (пам. 164) адкрылася кніжная выстава “Са слова пачынаецца Радзіма”. У экспазіцыі прадстаўлены кнігі на роднай мове ад класікаў беларускай літаратуры да сучасных аўтараў, а таксама падручнікі, якія могуць дапамагчы ўдасканаліць веданне роднай мовы. Выстава будзе працаваць да 28 лютага 2020 г.

Спецыяльна да Міжнароднага дня роднай мовы супрацоўнікі Нацыянальнай бібліятэкі правялі вучэбна-пазнавальную экскурсію "Славутыя імёны Бацькаўшчыны". Дзеці з гімназіі № 14 г. Мінска азнаёміліся з творчасцю вядомага беларускага пісьменніка Уладзіміра Караткевіча. А вось навучэнцаў гімназіі-каледжа мастацтваў імя І.В. Ахрэмчыка чакала экскурсія-віктарына, дзякуючы якой дзеці паспаборнічалі ў эрудыцыі і даведаліся шмат новага пра беларускую мову і літаратуры.

Увесь дзень  у галерэі “Панарама” (22-гі паверх) працуе тэматычная фотазона з вершамі беларускіх аўтараў, словамі на роднай мове пра бібліятэку і хэштэгамі.

Для тых, хто не зможа зазірнуць у бібліятэку ў гэты дзень, прапануем звярнуць увагу на вонкавае электроннае светлавое табло будынка. У канцы дня з 19.00 і да паўночы кожныя 15 хвілін вас чакаюць ролікі з цытатамі з твораў пісьменнікаў і ўнікальнымі беларускімі словамі, якія адрозніваюць нас ад іншых народаў.

Далучыцца да Міжнароднага дня роднай мовы можна і не выходзячы з дома. На партале Нацыянальнай бібліятэкі размешчаны тэст “Ці ведаеце вы беларускія рэдкаўжывальныя словы?”. Беларуская мова багата на цікавыя словы, але некаторы з іх не часта пачуеш у размове.

З Міжнародным днём роднай мовы!
Жадаем вам – што б у жыцці ні здарылася і як бы ні склаўся лёс – заўсёды ганарыцца сваімі каранямі і памятаць салодкія ноты роднай мовы.
Няхай мова дапамагае душы выказваць радасць, а сэрцу – гаварыць пра каханне.

Матэрыял прадастаўлены аддзелам сувязей з грамадскасцю.


Mova.jpg
   Чытайце таксама:
   “Дзякуй за беларускую мову”: беларускамоўныя супрацоўнікі Нацыянальнай бібліятэкі


Навіны

16 Чэр 2021

Адна з найстарэйшых і найбуйнейшых бібліятэк вышэйшых навучальных устаноў Беларусі – Фундаментальная бібліятэка БДУ – была ўключана ў структуру Праўлення гэтага ўніверсітэта 23 мая 1921 года, і менавіта гэты дзень лічыцца датай яе заснавання. Складаны, поўны перашкод шлях стварэння, выпрабаванні 1930-х гадоў, трагічныя падзеі перыяду Вялікай Айчыннай вайны, новыя ўмовы і патрабаванні апошніх дзясяцігоддзяў і сучаснага перыяду… Установа з драматычнай гісторыяй неаднойчы амаль знікала, але аднаўлялася – дзякуючы энтузіястам, аматарам кнігі. Ды ў краіне заўсёды разумелі: дзе навучанне, без бібліятэкі нікуды.

Навіны бібліятэк

“Алмаз становіцца дыяментам”: хроніка будаўніцтва Нацыянальнай бібліятэкі Беларусі, 2004 год

16 Чэр 2021

16 чэрвеня 2006 года адбылося ўрачыстае адкрыццё новага будынка Нацыянальнай бібліятэкі Беларусі. Сёння мы працягваем публікацыі па матэрыялах прэсы аб яго будаўніцтве, якое стала яркай падзеяй у гісторыі бібліятэкі, ды і ўсёй краіны.

Да 100-годдзя Нацыянальнай бібліятэкі Беларусі

Незвычайныя завяшчанні пісьменнікаў

16 Чэр 2021

Ці задумваліся вы калі-небудзь пра сваю апошнюю волю? Напэўна так, бо, як ні горка, ніхто з нас не вечны. Аднойчы прыйдзе час пакінуць гэты тленны свет, а перад гэтым паклапаціцца пра завяшчанне, каб шматлікія сябры і сваякі адразу ведалі, хто быў вашым любімчыкам. Вядомыя пісьменнікі таксама запісвалі сваю апошнюю волю – і часцяком іх інструкцыі і пажаданні былі як мінімум незвычайныя, як максімум – эксцэнтрычныя.

Аўтарскі погляд

Віртуальная чытальная зала НББ – публічным бібліятэкам Брэсцкай вобласці

15 Чэр 2021

Супрацоўнікі НББ працягваюць серыю анлайн-мерапрыемстваў для публічных бібліятэк розных рэгіёнаў нашай краіны. 15 чэрвеня адбыўся семінар, падрыхтаваны для нашых калег з Брэсцкай вобласці.

Навіны Нацыянальнай бібліятэкі Беларусі

Прэзентацыя альманаха “Казахстан – Беларусь” і сустрэча пісьменнікаў дзвюх краін

14 Чэр 2021

14 чэрвеня ў Нацыянальнай бібліятэцы прайшла прэзентацыя першага ў гісторыі казахстанска-беларускага супрацоўніцтва літаратурна-мастацкага альманаха “Казахстан – Беларусь” і адбылася сустрэча пісьменнікаў дзвюх краін.

Навіны Нацыянальнай бібліятэкі Беларусі

Бібліятэкарам
111