15 верасня 2009 года ў Нацыянальнай бібліятэцы Беларусі прайшлі ўрачыстасці з нагоды святкавання Дня бібліятэк.
Святочны дзень пачаўся з мерапрыемстваў ля помніка Ф. Скарыну на плошчы перад Нацыянальнай бібліятэкай Беларусі.
Ва ўрачыстасцях прынялі ўдзел прадстаўнікі дзяржаўных органаў у сферы бібліятэчнай справы і культуры, прадстаўнікі бібліятэчнай грамадскасці з розных рэгіёнаў Беларусі. Са святам прысутных павіншавалі У.І. Кураш, намеснік міністра культуры, Г.В. Молчан, старшыня Мінскага гарадскога камітэта прафсаюза работнікаў культуры, П.М. Лапо, дырэктар Фундаментальнай бібліятэкі Беларускага дзяржаўнага універсітэта, Р.С. Матульскі, дырэктар Нацыянальнай бібліятэкі Беларусі. З творчымі нумарамі выступілі навучэнцы харэаграфічных школ г. Мінска.
Да Дня бібліятэк было прымеркавана адкрыццё фотавыстаўкі “Бібліямагія”. Гэта сумесны праект Беларускай бібліятэчнай асацыяцыі і Нацыянальнай бібліятэкі Беларусі. Выстаўка была падрыхтавана па выніках фотаконкурсу, які праводзіўся сярод супрацоўнікаў бібліятэк. Кампетэнтнае журы вызначыла лепшыя работы ў розных намінацыях. На прэзентацыі выстаўкі былі падведзены вынікі фотаконкурсу, пераможцам уручылі дыпломы і памятныя прызы.