15–16 кастрычніка 2009 года ў Нацыянальнай бібліятэцы Беларусі адбылася канферэнцыя “Дзелавы Інтэрнэт”.
Арганізатарамі мерапрыемства выступілі беларускі інтэрнэт-партал TUT.BY і РУП “Белтэлекам” пры падтрымцы Асацыяцыі арганізацый інфармацыйных і камунікацыйных тэхналогій “Белінфакам”.
Канферэнцыя “Дзелавы Інтэрнэт” праводзіцца ў Беларусі ўжо ў чацвёрты раз. Мэта яе – спрыяць папулярызацыі і прымяненню Інтэрнэту ў бізнесе, адукацыі, дзяржаўным кіраванні.
На пленарным і секцыйных пасяджэннях абмяркоўваліся пытанні рэкламы і маркетынгу ў Інтэрнэце, стан рэкламнага рынку і перспектывы яго развіцця ў Беларусі, быў прааналізаваны расійскі вопыт у гэтай сферы. Да разгляду былі вынесены таксама наступныя тэмы: аўдыторыя беларускага Інтэрнэту, заканадаўства, СМІ ў Інтэрнэце. З дакладамі выступілі вядучыя спецыялісты Беларусі, Расіі, Украіны, Нідэрландаў.