25 лютага ў канферэнц-зале прайшла лекцыя “Тэндэнцыі і асаблівасці развіцця кніжнай культуры Беларусі ў XI –XX стст. у кантэксце агульнаеўрапейскай і нацыянальнай гісторыі”.
Мерапрыемства прымеркавана да выхаду ў свет выдання “Библиотеки Беларуси. Из прошлого в будущее. 1917–1991”.
У кнізе прыведзены даныя, атрыманыя пры даследаванні і зведзеныя ў табліцы, што дазваляе ўбачыць агульную карціну развіцця бібліятэчнай і выдавецкай справы ў БССР.
Кніга прызначана для бібліятэчных работнікаў, студэнтаў спецыяльных і вышэйшых навучальных устаноў гуманітарнага профілю і ўсіх, хто цікавіцца праблемамі культурнага развіцця краіны.
На лекцыі дырэктар Нацыянальнай бібліятэкі Беларусі, доктар педагагічных навук, прафесар Раман Матульскі распавёў слухачам пра ўмовы фарміравання беларускай кніжнай культуры, звярнуў увагу на “белыя плямы” ў яе гісторыі і падкрэсліў, што сучасны свет патрабуе ад Беларусі фарміравання культурнага імунітэту, а яго аснова – гісторыя, вытокі якой захоўвае наша багатая кніжная спадчына.
Матэрыял прадастаўлены аддзелам сувязей з грамадскасцю.
