11 і 12 сакавіка музей кнігі запрашае дзяцей 6–12 гадоў і іх бацькоў на музейныя заняткі “Друкарскіх спраў майстар", прысвечаныя Дню праваслаўнай кнігі і 500-годдзю беларускага і ўсходнеславянскага кнігадрукавання.
Мерапрыемства арганізавана напярэдадні Дня праваслаўнай кнігі, які ў Рускай праваслаўнай царкве адзначаецца 14 сакавіка. Менавіта ў гэты дзень у 1564 годзе дыякан Іван Фёдараў у Маскве надрукаваў першую датаваную кнігу – “Апостал”, адну з асноўных у шэрагу богаслужэбных кніг, у якой змешчаны першыя ўзоры тлумачэння вучнямі Хрыста яго пропаведзяў.
На занятках дзеці даведаюцца пра дзейнасць вялікага асветніка Івана Фёдарава і тэхніку друкавання кніг у тыя часы. Наведвальнікі мерапрыемства ўбачаць арыгінальныя кніжныя помнікі, выпушчаныя друкаром, паўдзельнічаюць у творчым заданні і створаць сваё ўнікальнае віншаванне да Дня праваслаўнай кнігі.
У гэтыя дні ў музеі кнігі таксама будзе праходзіць буккросінг дзіцячай праваслаўнай кнігі. Дзеці змогуць прынесці сваю ўжо прачытаную кнігу і абмяняць яе на іншую, якую пакінуць іх папярэднікі.
Заняткі праводзяцца ў даступнай і займальнай форме. Спазнанне разнастайнасці кніжнай культуры адбываецца з дапамогай дыялогу, гульняў і творчасці.
Працягласць заняткаў – 60 хвілін.
Кошт заняткаў з матэрыяламі для творчага задання: 3 (тры) рублі.
Чакаем усіх у музеі кнігі Нацыянальнай бібліятэкі Беларусі!
Заняткі групавыя, праводзяцца па папярэднім запісе:
тэлефоны: (8 017) 293 27 82, (8 029) 65 66 115.